حقیقہ (ﻋﻘﯿﻘﮧ)، اک اسلامی رسم اے۔ ایہدے توں ﻣﺮﺍﺩ نیاݨے دے جمݨ مگروں کوئی حلال جانور ﺫﺑﺢ ﮐﺮﻧﺎ اے۔ کِسے نوں جدوں اللہ تعالیٰ بچے توں نوازے تاں ولادت دے ستويں دن یا چودہويں یا اکیہويں دن، جے چھیتی مُمکن نہ ہووے تاں عمر بھر جدوں وی موقع میسر آوے، نیاݨے ولوں اللہ دے ناں اُتے جانور ذبح کرنا شریعت وچ ”عقیقہ“ اے، عقیقہ سنت اے۔ اللہ دے رسول صلی اللہ علیہ وسلم نے اپݨے دوہتےآں حضرت حسنؓ تے حضرت حسینؓ دی طرفوں عقیقے کیتے سی۔ اک حدیث وچ اے کہ عقیقے دی برکت ناݪ بچے دے اُتوں بلاواں ٹَلدیاں نيں۔ جے مُنڈا پیدا ہووے تاں دو بکرے (یا وڈے جانور وچ دو حِصے) تے جے کُڑی پیدا ہووے تاں اک بکرا (یا وڈے جانور وچ اک حصہ) ذبح کرنا مستحب اے۔ عقیقے دا کوئی خاص طریقہ نئيں، ایہ اوداں ای اے جس طرحاں عید الضحا اُتے قربانی دے جانور اونٹھ، گاں، مجھ، بکرا، بھیڈ تے دُنبہ وغیرہ ذِبَح کیتے جاندے نیں۔
This article uses material from the Wikipedia شاہ مکھی پنجابی (Shāhmukhī Pañjābī) article حقیقہ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.