حجرہ شاہ مقیم
حُجرہ شاہ مقیم (Hujra Shah Muqeem)، پنجاب، پاکستان دے ضلع اوکاڑا دی تحصیل دیپال پور وچ اک چھوٹا شہر اے۔
| حُجرہ شاہ مقیم | |
| Hujra Shah Muqeem | |
 | |
| مُلک : | پاکستان  |
| صوبہ : | پنجاب  |
| ضلع : | اوکاڑا |
| تحصیل : | دیپال پور |
| آبادی : | 76462 |
| بولی : | پنجابی |
ایہدی بنیاد ایتھے دے مشہور صوفی بزرگ بہاول شیر قادریؒ نے 953 ہجری وچ رکھی سی تے ابتداء وچ اپݨے رہݨ لئی ایتھے اک حجرہ بݨوایا۔ بعد وچ اوہناں دے پوتے محمد مقیم محکم الدینؒ نے ایہنوں آباد کرن وچ خصوصی دلچسپی لئی، اوہناں دے نام توں ای حجرہ شام مقیم دا نام رائج ہوگیا۔
حضرت بہاول شیر تے حضرت شاہ محمد مقیم الدین دے سالانہ عُرس اُتے ایتھے اک وڈا میلا لگدا اے۔
مین بازار، پراݨا بازار، حویلی روڈ، منڈی احمدآباد روڈ، خیرگڑھ روڈ تے غلہ منڈی ایتھے دے اہم کاروباری مراکز نیں۔
قدیم پنجابی شاعری وچ تذکرہ
حُجرے شاہ مقیم دے اک جٹی عرض کرے
میں بکرا دیواں پیر دا جے سِر دا سائیں مرے
ہٹی سڑے کراڑ دی جِتھے دیوا نِت بݪے
کُتی مرے فقیر دی، جیہڑی چوں چوں نِت کرے
پَنج سَت مرن گوانڈھݨاں، رہندیاں نوں تاپ چڑھے
گݪیاں ہو جاݨ سُنجیاں، وچ مرزا یار پِھرے
This article uses material from the Wikipedia شاہ مکھی پنجابی (Shāhmukhī Pañjābī) article حجرہ شاہ مقیم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.