ہوائی جہاز

ہوائی جعازاں دے علاوہ راکٹ تے میزائل وی اڈدے نیں مگر اوہ صرف راکٹ انجن دے زور تے اڈدے نیں تے پراں نوں نئیں ورتدے اس واسطے اوناں نوں ہوائی جعاز نئیں سمجیا جاندا۔ ہوائی جعاز پہلی واری 1903 چ اڈیا تے اج کل انساناں نوں اک تھاں توں دوجی تھاں لیجان واسطے بوت وڈے پیمانے تے ورتیا جاندا اے۔ جنگاں ہوائی جہازاں نال لڑیاں جاندیاں نیں۔ جیڑا بندہ جہاز اڈاندا اے اونوں پائلٹ آخدے نیں۔ کج جہاز بغیر پائلٹ توں وی اڈدے نیں اوناں نوں ڈرون جہاز کیندے نیں جنج پریڈیٹر ڈرون۔

انساناں دے اڈن دی تریخ بوت پرانی اے، مگر پہلا اپنے زور تے اڈن آلا جہاز دسمبر 1903 چ دو امریکی پراواں نیں بنا کے اڈایا۔ پہلی اڈان اس جہاز دی صرف 13 سکنٹ لمی سی۔ انسان اس توں پہلاں وی ہوا چ اڈ چکیا سی: گرم ہوا دے پکانیاں چ مگر جہاز انسان دی ٹیکنالوجی دا اک اہم تھم سی۔ دواں وڈیاں جنگاں چ ہوائی جہاز دی ٹیکنالوجی بوت اگے ودیاں۔ دوجی وڈی جنگ دے بعد ہوائی جہاز اپنے جیٹ دور چ آگۓ، اس دور چ جہاز جیٹ انجناں تے ٹردے سن۔ جیٹ دور تقریبا 1946 توں لے کے اج تک ٹر ریا اے۔

ہوائی جہاز دے انجن 5 قسماں دیں ہوندے نیں:

• پھکے آلے انجن
• جیت انجن
• بجلی دے انجن
• راکٹ انجن
• ریم جیٹ یا سکریم جیٹ انجن