دریائے چناب (انگریزی: Chenab River)، پنجاب دے پنج وڈے دریاواں وِچوں اک دریا اے۔
دریائے چناب Chenab River | |
---|---|
دریائے چنھاب | |
دریائے چنھاب دی گُزرگاہ | |
مُلک | پاکستان |
ذیلی خطے | ہماچل، کشمیر، پنجاب |
طبعی خصوصیات | |
بنیادی ماخذ | Baralacha La pass 32°38′09″N 77°28′51″E / 32.63583°N 77.48083°E |
دریا دا دھانہ | دریائے ستلج نزد (اچ، جلالپور پیروالا، علی پور)، پنجاب، پاکستان 29°20′57″N 71°1′41″E / 29.34917°N 71.02806°E 71°1′41″E / 29.34917°N 71.02806°E |
لمبائی | 1,200 کلومیٹر (750 میل)approx. units? |
نکاس |
|
طاس خصوصیات | |
دریا نظام | انڈس طاس |
معاون |
|
چناب دا نام 'چن' تے 'آب' ناݪ مِݪ کے بݨیا اے، چن دا مطلب چند تے آب دا مطلب پاݨی اے۔ دریائے چناب نوں چنھاں تے چندر بھاگا وی کہیا جاندا اے۔ بالائی پہاڑی علاقےآں وچ ایہنوں چندربھاگا دے نام ناݪ وی پکاریا جاندا اے۔
دریائے چناب، بالائی ہمالیا وچ دو پہاڑی ندیاں، چندر تے بھاگا دے مݪاپ ناݪ بݨدا اے۔ چناب دریا جموں توں گُزر کے پنجاب دے میدانی علاقےآں وچ وَگدا اے۔
پنجاب دے ضلع جھنگ وچ اٹھاراں ہزاری دے کوݪ تریموں بیراج دے مقام اُتے ایہ دریائے جہلم نوں ناݪ مݪا کے فیر دریائے راوی نوں مݪاؤندا ہویا اچ شریف، جلالپور پیروالا تے علی پور دے نزدیک دریائے ستلج ناݪ رَݪ جاندا اے۔
دریائے چناب دے کنڈھے اُتے پنجاب دے شہر گجرات، وزیرآباد، چنیوٹ، جھنگ، شورکوٹ، ملتان تے مظفرگڑھ واقع نیں۔ چناب دی کُل لمبائی 1200 کلومیٹر اے۔ انڈس طاس معاہدے دی مطابق ایہدے پاݨی اُتے پاکستان دا اختیار اے۔
ویدک زمانے وچ ایہنوں اشکنی یا اسکمتی دے نام ناݪ تے قدیم یونانی وچ آچےسائنز دے نام ناݪ جاݨیا جاندا سی۔ پنجابی رہتل وچ چنھاب دریا دی اہم حیثیت اے، سوہݨی مہینوال دی پنجابی رومانوی داستان دریائے چناب دے گرد ای گُھمدی اے۔
وکیمیڈیا کامنز چ مورتاں: دریائے چناب |
This article uses material from the Wikipedia شاہ مکھی پنجابی (Shāhmukhī Pañjābī) article دریائے چناب, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.