ٹھنڈی بوٹی جیہنوں کھوئی بوٹی وی کیندے نیں فرن ٹبر دی اک بوٹی اے۔ ایہ کھوئیاں وچ تے ٹھنڈی گلی تھاں تے ہوندی اے۔ ایہ دنیا وج عام ملدی اے تے پھلواریاں تے گھراں وچ لگائی جاندی اے۔
ٹھنڈی بوٹی | |
پچھان | |
دیس : | بوٹے |
ارڈر : | بوٹے |
ٹبر: | فرن ٹبر |
سائینسی ناں: | Adiantum capillus-veneris |
ایہ اتلے امریکہ وچ کیلیفورنیا توں لے کے چڑھدے کنڈے تک تے تھلے میکسیکو تے دکھنی امریکہ تک ہوندی اے۔ ایہ یوریشیا تے اسٹریلیا وج وی ہوندا اے۔ ایہ گلیاں چھانوالیاں تھانواں تے پتھراں وج کسے کسی دے کنڈے تے یا کسی دیوار وچ جیہدے تے گل ہووے آپنے آپ لگ جاندا اے۔
ایہ 6 توں 12 انچ (15 توں 30 سینٹی میٹر) تک وددا اے تے ایھدیاں جڑاں 8 توں 27.5 انچ (20 توں 70 سینٹی میٹر) تک پھیلیاں ہوندیاں نیں۔ ایہدیاں نکیاں ٹاہنیاں تے 0.2 توں 0.4 انچ (5 توں 10 ملی میٹر) دیاں پتیاں لگیاں ہوندیاں نیں۔ ایہ پتیاں سدا ہریاں رہندیاں نیں۔ ایہدیاں ٹاہنیاں کالیاں تے تارورگیاں ہوندیاں نیں۔
ایہ دنیا دے لامت تھانواں تے گھراں دے اندر تے پھلواریاں وچ اگایا جاندا اے۔ ایہ چھانوالیاں، ٹھنڈیاں گلیاں تھانواں نون پسند کردا اے۔ پنجاب وچ ایہ عام کھوواں وچ ہوندا اے۔
پنجاب وچ ایہ نکسیر روکن لئی ورتی جاندی اے۔
ٹھنڈی بوٹی | ||||
---|---|---|---|---|
This article uses material from the Wikipedia شاہ مکھی پنجابی (Shāhmukhī Pañjābī) article ٹھنڈی بوٹی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.