ٹویٹر

ٹویٹر، اک سوشل میڈیا نیٹ ورک اے جیہڑا سماجی رابطے دا اک وڈا ذریعہ اے۔ ایہدا آغاز 2006ء وچ ہویا سی۔ دنیا بھر وچ ٹویٹر استعمال کرن آلیاں دی گݨتی 541 مِلیئن دے لگ بھگ اے۔ ایہدے ذریعے لوک اک دوجے نوں مختصر پیغامات بھیج سکدے نیں۔ ایہناں مختصر پیغامات نوں ٹوئیٹس کہیا جاندا اے۔ ٹویٹس موبائل فون دے ذریعے وی کیتے جا سکدے نیں۔ جے صارف دا بلاگ ہووے تاں اوہ اپنے ٹویٹر دے کھاتے وچ اپنے بلاگ دا جوڑ شامل کر سکدا اے۔ ایہدے نال ایہ ہووے گا کہ صارف جد وی اپنے بلاگ تے کوئی پوسٹ کرے تاں خودکار طور تے بلاگ پوسٹ دا سرناواں تے پوسٹ دے کچھ مُڈھلے جملے بلاگ پوسٹ جوڑ نال صارف دے ٹویٹر پروفائل تے شائع ہو جان گے۔ ایس طرحاں ای کسے فورم دے مخصوص زمرہ جات نوں وی شامل کیتا جا سکدا اے۔ ٹویٹر دے صارف کسے وی دوجے صارف دے پیغامات دی پیروی کر سکدے نیں۔