لدھیاݨا

لدھیاݨا پنجاب دے ضلع لدھیاݨا دا اِک شہر اے ۔ ایہ 2011 وِچ 1،613،878 دی لوک گݨتی دے نال پنجاب دا سبھ توں وڈّا شہر اے ۔ لہندے اُتّر پردیش، بِہار تے دِلّی توں وڈّی گِݨتی وِچ آئے پردیسی مزدوراں کارن واڈھی دے ویلے ایہدی آبادی چوکھی ودھ جاندی اے ۔ ایہ شہر ستلج دریا دے پُراݨے کنڈھے تے وسیا ہویا اے ۔ ہُن ایہ 13 کلومیٹر اُتّلے ول وگدا اے ۔ اِتھے دے وسنیکاں نوں 'لدھیاݨوی' کہیا جاندا اے ۔ لدھیاݨا، پنجاب چنڈی گڑھ توں 100 کلومیٹر لہندے ول قومی شاہراہ 95 اَتے دِلّی توں امبرسر جاندی قومی شاہراہ 1 اُتے واقع اے ۔ ایہ باہر جا کے وسن آلے واسیاں وجہوں پنجاب دا مشہور ضِلع اے جیہدی بہُت ساری آبادی کینیڈا، برطانیا تے امریکا وِچ رہندی اے ۔