فلیمنگو
فلیمنگو پانی وچ ٹرن والا پنجھیاں دا اک پتی ٹبر، تے ٹوکرہ اے۔ ایہدے وچ 6 ونڈاں نیں۔ ایہ کٹھے ریندے نیں تے چوکھا رولا پاندے نیں۔ ایہ پانی وج ٹردے نیں تے اینج پانی دے نال تے جھیلاں کنڈے ریندے نیں۔ دو ونڈاں ایشیاء افریقہ تے یورپ وچ ریندیاں نیں جد کے 4 اتلے تے دکھنی امریکہ وج ریندیاں نیں۔ ایہاں نوں لم ٹینگ وی کیندے نیں۔
| فلیمنگو | |
 | |
| دیس: | جنور |
| برادری: | کورڈیٹ |
| ٹولی: | پنچھی |
| پتی: | فلیمنگو |
| ٹبر : | فلیمنگو لنیاس، 1758 |
| ٹوکرہ: | فلیمنگو |
| ونڈاں: | 6 |
 | |
| ہوند تھاں گلابی رنگ وچ | |
وکھالہ
فلیمنگو گلابی یا لال رنگ وچ ہوندے نیں ایہدی وجہ اوہ پانی دے بیکٹیریا نیں جنہاں وج ایہ ریندے نیں۔ ایہ لمے پنجھی نیں تے ایہناں دیاں لمیاں لتاں ہوندیاں نیں۔ ایہ چوکھا ویلہ اک لت تے کھلو کے لنگھاندے نیں۔ فلیمنگو دی اگیوں مڑی چنج ہوندی اے کیلے وانگوں۔ ایہ چکڑ وج ریندے نیں ایہ چنج کھان پین دے کم آندی اے۔ فلیمنگو دا جوکھ 4 کلو تک ہوندا اے تے لمبائی 145 سینٹی میٹر۔ ایہ 47 ورے تک جیندے نیں۔
کھان پین
ایہ نکی مچھی تے الجی کھاندے نیں۔
پسار
ایہ ٹولیاں بنا کے گلیاں پانیوالیاں تھانواں تے ریندے نیں۔ ایہ پانی لونا تے الکلائن والا ہوندا اے۔ پانی کنڈے توں لے کے ایہ 6000 میٹر دی اچائی تک ہوندے نیں۔
تریخ
فلیمنگو دے پتھراں وچ سب توں پرانے نشان ایوسین ویلے وچ 56 توں 33.9 ملین ورے پہلے لبھے نیں۔ کریٹیشین ویلے دے انت تے وی ایہناں دے نشان لبھے نیں۔
ونڈاں
- وڈا فلیمنگو
- امریکی فلیمنگو
- انڈی فلیمنگو
- جیمس فلیمنگو
- چلی فلیمنگو
- نکا فلیمنگو
بارلے جوڑ
| وکیمیڈیا کامنز چ مورتاں: فلیمنگو |
- فلیمنگو بارے Archived 2009-04-13 at the وے بیک مشین
- انڈی/گلابی فلیمنگو
This article uses material from the Wikipedia شاہ مکھی پنجابی (Shāhmukhī Pañjābī) article فلیمنگو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.