صدراعظم
صدراعظم سلطنت عثمانیہ چ سلطان دے وزیراں چ سب توں اہم عہدہ سی ۔ صدراعظم نوں بے پناہ اختیارات حاصل سن تے سلیمان قنونی( سلیمان اعظم )دے دور توں محمود II دے دور تک ۔ جدوں سلطان نے دربار چ آنا تے اہم اجلاساں چ شرکت کرنا چھڈ دتا سی ، اجلاس دی قیادت صدر اعظم ای کردا سی ۔ دوجے وزیراں نالوں صدراعظم دی اہمیت ایس لئی وی ودھ سی کیونجے سلطان دی مہر وی اسدے کول ای ہندی سی تے وزیراں دا اجلاس وی ایہو ای طلب کردا ہندا سی ، جہڑا توب کاپی محل چ ہوئیا کردا سی ۔ اس دا دفتر باب عالی چ واقع ہندا سی ۔ صدراعظم دے علاوہ اسنوں وزیر اعظم ، صدر عالی ، وکیل مطلق ، صاحب دولت ، سردار اکرم ، سردار اعظم تے ذات آصفی وی آکھئیا جاندا سی ۔ سلطنت عثمانیہ دے مشہوd صدراعظماں چ محمد صوقوللی ، قرہ مصطفی پاشا تے محمد کوپریلی شامل نیں ۔ 1656ء توں 1703ء تک جدوں کمزور سلطان سلطنت عثمانیہ دے تخت تے بیٹھے اس زمانے چ کوپریلی ٹبر نے سلطنت دے کماں نوں سمبھالئیا ۔
سلطنت عثمانیہ لئی کوپریلی ٹبر دی خدمات دا موازینہ اسیں خلافت عباسیہ لئی برامکہ دی خدمات نال کر سکدے آں ۔ 19ویں صدی چ دور تنظیمات دے بعد صدراعظم دا کردار ، مغربی بادشاہتاں دے وزیراعظماں ورگا سی ۔ آخری دور چ طلعت پاشا ، اسماعیل انور پاشا تے احمد جمال پاشا نے عالمی شہرت حاصل کیتی ۔ ایہہ تنوں تن پاشا اکھواندے سن ۔
پاکستان چ وی سبتوں وڈے حکومتی عہدے دا اردو چ سرکاری ناں وزیراعظم اے ۔
ہور ویکھو
This article uses material from the Wikipedia شاہ مکھی پنجابی (Shāhmukhī Pañjābī) article صدراعظم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.