شاخ زریں ( ترکی بولی چ : خلیچ یاں آلتین بوئے نوز) آبنائے باسفورس دی اک قدرتی خلیچ اے جہڑی استمبول شہر دے یورپی حصے نوں دو حصیاں چ ونڈدی ہوئی قدرتی بندرگاہ بناندی اے ۔ ایسے شاخ زریں دے داخلے دی تھاں تے بازنطینی سلطنت دے حکمراناں نے اک زنجیر نصب کر رکھی سی تے اینج صرف اوہی جحہاز خلیج چ وڑ سکدے سی جنہاں نوں اوہ چاہندے سن ۔ 1453ء چ جدوں سلطنت عثمانیہ دے سلطان محمد فاتح نے قسطنطنیہ دا محاصرہ کیتا تے اسدے بحری بیڑے دی راہ چ وی ایہو زنجیر حائل ہو گئی تے ساریاں کوششاں دے باوجود بحری بیڑہ اس خلیچ چ وڑ نا سکئیا ۔ جس تے سلطان نے خشکی توں جہاز لنگھان دا انوکھا خیال دتا تے ایسے منصوبے تے عمل کردے ہوئے عثمانی بیڑہ شاخ زریں چ وڑئیا تے قسطنطنیہ دی فتح (فتح قسطنطنیہ) عمل چ آئی ۔ اج گنجان آبادیاں دے علاوہ استمبول دا ایوان صنعت تے تجارت تے مسلم ، یہودی تے عیسائی قبرستان وی شاخ زریں دے دونہے پاسے واقع نیں ۔ غلطہ پل شاخ زریں دے دونہے پاس واقع غلطہ (جتھے مشہور برج غلطہ واقع اے) تے امینونو دے علاقےآں نوں ملاندا اے ۔ ایہہ اپنی تریخی حیثیت تے قدرت؛ حسن پاروں سیاحاں لئی استمبول دی پرکشش ترین تھانواں چوں اک اے ۔
This article uses material from the Wikipedia شاہ مکھی پنجابی (Shāhmukhī Pañjābī) article سنہری سنگ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.