دائی انگا مسجد
دائی انگا مسیت (مسجد) پنجاب (پاکستان) دے شہر لہور وچ اک مسیت اے ۔ ایہ اک تریخی مسیت لہور ریلوے سٹیشن توں ادھے میل توں وی نیڑے نوں لکھا دے علاقے وچ اے ۔ ایہ منیا جاندا اے کہ دائ انگا نے ایہ مسیت 1635عیسوی(1045ہجری) وچ اپݨے حج تے جاݨ توں پہلاں تعمیر کرائی سی ۔ ایس مسیت دے اتے لکھی گئ تریخ 1949عیسوی(1060ہجری) اے ۔
زیب النساء (مشہور ناں دائی انگا) مغل بادشاہ شاہجہان دی نرس(دائی) سی ۔ ایس کر کے ایہنوں شاہی خانوادے وچ بڑی عزت دی نگاہ نال دیکھیا جاندا سی ۔ ایہدا خاندان مغل سلطنت دے نال خاص نسبت رکھدا سی ۔ ایہدا خاوند مراد خان مغل بادشاہ دا مجسٹریٹ سی تے ایہدا پُتر راشد خان پوری مغل سلطنت وچ سبھ توں چنگا تیر انداز سی ۔ راشد خان نے مغل بادشاہ دے وڈے پُتر داراشکوہ دی راکھی کردیاں اپݨی جان دے دتی سی ۔ دائی انگا دا مزار گلابی باغ دے ناں نال وی مشہور اے ۔
This article uses material from the Wikipedia شاہ مکھی پنجابی (Shāhmukhī Pañjābī) article دائی انگا مسجد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.