تجمل کلیم
مرن توں ڈر دے او بادشاہو کمال کر دے او بادشاہو کسے نوں مارن دا سوچدے او کسے تے مردے او بادشاہو تُسی نا پاؤ دِلاں تے لَوٹی تُسی تے سَر دے ہو بادشاہو اے میں کھڈاری کمال دا ہاں کہ آپ ہَر دے او بادشاہو کلیم ککھاں توں ہَولے او نا! تدے ای تر دے او بادشاہو ۔
 | |
|---|---|
| جم | چونیا، قصور، پاکستان |
| کم کِتہ | پنجابی شاعر |
| بولی | پنجابی |
| قومیت | پاکستانی |
| صنف | شاعری |
کتاباں
- برفاں ہیٹھ تندور (1996)
- ویہڑے دا رکھ (2010)
- ہان دی سولی (2012)
- چیکدا منظر (2017)
شاعری-نمونہ
اکھ کھولی تے دُکھان دے جال ویکھے
اُتوں ہنڈدے جندڑی نال ویکھے
اک دن سی ہجر دا سال ورگا
اسیں دن نئیں سالاں دے سال ویکھے
تُونہہ کیڑے دے رزق دی سوچ ربا
اسیں بُھکھ توں وکدے بال ویکھے
اسیں ویکھیا لہوُ دا رنگ چٹا
اسیں پُھل کپاہواں دے لال ویکھے
میں نچیاں جگ دے سُکھ پاروں
سد بُلھے نوں میری دھمال ویکھے
ایس جھلے کلیم نوں روک دلا
ایہنوں آکھ سُو ویلے دی چال ویکھے
۔
۔جیون رُکھ نوں ہتھیں ٹکے نہ مارو
ساہ دے دانے چبو، پھکے نہ مارو
بال کھڈونے ویہندا اے تے کیہ ہویا
آپے ٹر جاوے گا، دھکے نہ مارو
حرصاں اگے موت دہائیاں دیندی رہی
ریفل اگے ویر جے سکے نہ مارو
جت لینا تے کھوہنا اک برابر نئیں
دُکیاں نال تے ساڈے یکے نہ مارو
سارے یار کلیمؔ جی لوبھی نئیں ہندے
دل نوں جندرے پکے پکے نہ مارو
باہرلے لنک
حوالے
This article uses material from the Wikipedia شاہ مکھی پنجابی (Shāhmukhī Pañjābī) article تجمل کلیم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.