بشریات
بشریات یا انسانیات (Anthropology) انسانی تہذیب و تمدن، انسانیت، انسانی رویاں، انسانی حیاتیات، ثقافتاں، معاشریاں تے لسانیات دا سائنسی مطالعا اے، جیہدے وچ ماضی، حال تے مانس شامل نیں۔ سماجی بشریات رویے دے نمونیاں دا مطالعا کردی اے، جد کہ ثقافتی بشریات ثقافتی معنی دا مطالعا کردی اے اَج کل عام طور تے سماجی ثقافتی بشریات دی اصطلاح استعمال کیتی جاندی اے۔ لسانی بشریات اس گَل دا مطالعا کردی اے کہ زبان کس طرحاں سماجی زندگی نوں متاثر کردی اے۔ حیاتیاتی یا طبعی بشریات انساناں دی حیاتیاتی نشوونما دا مطالعہ کردی اے۔
آثار قدیمہ بشریات، جیہنوں اکثر "ماضی دی بشریات" کہیا جاندا اے، طبعی شواہد دی چھاݨ بیݨ دے ذِریعے انسانی سرگرمیاں دا مطالعا کردی اے۔ ایہنوں شمالی امریکا تے ایشیا وچ بشریات دی اک شاخ سمجھیا جاندا اے، جد کہ یورپ وچ آثار قدیمہ نوں اپݨے طور تے اک نظم و ضبط دے طور تے دیکھیا جاندا اے یا دیگر متعلقا مضامین، جِداں کہ تریخ تے قدیمیات دے تحت گروپ کیتا جاندا اے۔
امریکا وچ تریخی طور تے ماہرین، بشریات نوں چار کھیتراں وچ وَنڈدے نیں۔ جیہدے وچ: 1۔ معاشرتی ثقافتی بشریات، 2۔ حیاتیاتی/طبعی بشریات، 3۔ آثار قدیمہ، 4۔ لسانیات، شامل نیں۔
علم بشریات نوں دو طرحاں دے تناظر وچ دیکھیا جاسکدا اے۔
عمرانی تناظر(Social Context)
سائنسی تناظر(Scientific Context)
عمرانی تناظر وچ انسانی تہذیب و تمدن دے ارتقاء نوں سمجھݨ د کوشش کیتی جاندی اے جد کہ سائنسی تناظر وچ انسان دے حیاتیاتی، معاشی تے ٹیکنالوجی دے ارتقاء نوں سمجھیا جاندا اے۔
بشریاتی علم، ماضی وچ انساناں دے مختلف پہلوآں دا مطالعا تے گزشتا تے موجودا معاشرے دے متعلق اے۔ سماجی نظریات تے ثقافتی نظریات، معاشریاں دے اصولاں تے اقدار دا مطالعا اے تے لسانیاتی مطالعا واضح کردا اے کہ کس طرحاں زبان سماجی زندگی نوں متاثر کردی اے۔ آثار قدیمہ، طبعی ثبوت دی تحقیقات دے ذریعے گزشتا انسانی ثقافتاں دے متعلق معلومات فراہم کردا اے۔
حوالے
This article uses material from the Wikipedia شاہ مکھی پنجابی (Shāhmukhī Pañjābī) article بشریات, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.