جم: 1793ء
موت: 1863ء
بارک زئی قبیلے دا سرداو جہڑا محمد شاہ دی برطرفی دے مگروں 1826ء چ افغانستان دے تخت تے بیٹھیا ۔ اس نے دیس دا انتظام بہتر کیتا تے ایران تے روس نال تعلقات استوار کیتے ۔ کیونجے مہاراجہ رنجیت سنگھ نے پشاور تے مل مار لیا سی تے ایسٹ انڈیا کمپنی رنجیت سنگھ تے کابل دے تخت دے دعوے دار شاہ شجاع نال رل کے امیر دوست محمد خان نوں تخت توں لاہنا چاہندی سی ۔ لارڈ آکلیند نے 1839ء ج افغانستان تے حملہ کر دتا تے اگست چ کابل فتح کر لیا ۔ امیر دوست محمد خان نے اپنے آپ نوں انگریزاں دے حوالے کر دتا تے شاہ شجاع کابل دے تخت تے بیٹھا ۔ پر افغاناں نے امیر دوست محمد خان دے پتر اکبر خان دی آگوائی چ بغاوت کر دتی ۔ انگریزاں دی ساڈھے سولاں(16) ہزار دی فوج وچوں صرف اک ڈاکٹر نوں جیوندا چھڈیا گیا تاکہ اوہ واپس ہندستان جا کے انگریز فوج دا حشر دس سکے ، تے شاہ شجاع نوں قتل کر دتا گیا ۔ انگریزاں نے مجبور ہو کے امیر دوست محمد خان نوں رہا کر دتا ۔ اوہ کلکتہ توں 1855ء چ کابل واپس پہنچیا تے مردے دم تک حکومت کردا رہیا ۔ مرن توں کجھ چر پہلاں اسنے ہرات نوں فتح کر کے افغانستان چ شامل کر لیا ۔
وکیمیڈیا کامنز چ مورتاں: امیر دوست محمد خان |
This article uses material from the Wikipedia شاہ مکھی پنجابی (Shāhmukhī Pañjābī) article امیر دوست محمد خان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.