Wütend wälzt sich einst im Bette is ä tybisch pälza Schdudendelied un ghead zum Pälza Liedguud.
"Bin ich fol gewesen", hodde Kuafärschd Friedrisch IV. om 9. Juni 1598 in soi Dachebuch gschriwwe. Kää Wunna, des waa än Suffkopp un wails nuch kää Therabie gäwwe hod, iss aach änna gbliwwe – obwohl doßa dodegeje oogonge is. Middachs än Saumaache un oowns Wärschd un Flääsch, frisch vum Grill, doo braachschde hald aach ebbes zum enunnaschbiele. Bsunnaschd, womma aach nuch unna sainesglaische is, also die allahochwirdigschde Eminenz, de Kurfärschdbischuf vun Määnz, Erzkonzla vum Raisch, zu Gaschd hod. Doo hän die zwää wichdichschde Männa noom Kaisa zammegehoggd un hochi Bolidig gemachd, nochdezu än Ärzkadholig un än Ärzreformiade, un donn zur Ärholung un fär de Ärscha runnazuschbiele ä Schligglsche gedrunge un noch ääns, un oowns hänse vum Schloß iwwa de Negga un die Schdadt gschaud un noch soepaa glääne Schöbbscha gepedzd. Bis mär se donn ins Neschd gebrung hod...
Die pälza Schdudende hän iam Kurfärschd e Liedsche doodruff gdischd, des wo haid nuch gean gsunge wärd:
Gsunge wärd mid vadäälde Rolle: Kurfärschd Baß, Kammamoa: Tenoa im Diskand, Reschd Baridon, die vädd Schdrooph gehd uf Salve Regina orra Hohe Tanne, de Refrää wärd imma vun alle gsung.
"Vor das Juckenn an haimlichen ortenn", UB Haidlbärsch
This article uses material from the Wikipedia Pälzisch article Wütend wälzt sich einst im Bette, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.