Die Rhoifränggisch Wikipedia isch e Projekt zum Uffbau von ere Enzyklopädie mid fraie Inhald in rhoifränggische Dialegd: Pälzisch, Hessisch, un Lothringisch. Jeder, der oine von dene Dialegd schraiwwe kann, kann mitschaffe und sai Wisse oibringge. Jede Ardiggel ime rhoifränggische Dialegd, isch willkomme. Du kannsch do awa aa mitmache, wenn Du siidfränkische Dialegd („Nordbadisch“, „Brigantedaitsch“) redsch. Im Herbschd 2010 isch de Startschuss für die Pälzisch Wikipedia gwese un im Somma 2013 ischse zu de Rhoifränggisch Wikipedia worre. Saidem Auguschd 2013 sinn noch die finf Newebrojegd dazukomme.
De Adigl vum Monad
Ourewald-Låndschaft (bei Kenisch)
Da Odewald, Oddewald, Orrewald, Ourewald, Oulewald is e Middelgebirg, wu zu große Deile in de hischdoarische Länner Kurpalz un Kurmoinz liggt, heit in Siedhesse, da badische Kurpalz un im bayarische Frångge.
Je nochdemm wu ma is, is ma im Odewald (Siede), Oddewald (middedrin), Oudewald (regional), Orrewald (Weschde), Ourewald (grouße Deile vum hessische Ourewald bis an di badisch Bergschdrooß), Ourewold (Hesse), Oulewald (Orde mit Lambdazismus im Siedweschde wie Schriese).
Lag
An soiner Weschdgrenz erhebt sisch da Odewald in Form vun are oidruggsvolle Bäjgkett iwwer die Rhoiewene. In-are grade Linje vun ugfähr 65 Kilomeder Läng vum Norde noch Siede, zwische Dammschdadt un Wissloch, gehts vum Nivoo vun da ugfähr hunnert Meder hoche Ewene bis zu de Gipfl in bis zu rund 550 Meder Heh nuff. Da Odewald nimmt e Fläsch vun 2.500 Quadratkilomeder oi. Da weschdlische Abhång zur Rhoiewene hot soin eijene Karagder un wärd Bergschdrooß genånnt. Drei Hiegelländer schließe sisch an de Odewald åå, im Norde des Rhoiheimer Hiegellånd, im Siedoschde des Baulånd un im Siede da Kraischgau. Im Nordoschde drennt des Maintal de Odewald vum ähnlische Schbessad. Im Siede dageje fließt da Negger duasch de Odewald duasch. De Deil siedlisch devu heeßt ma de Kläne Odewald.
This article uses material from the Wikipedia Pälzisch article Wiki:Haubdsaid (Siedfränggisch), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.
