Schdorscheschnäwwel sin regional verschiedene Aade vun Blumme.
Di folgende Planzeaade heeße, je nach da Gejend, Schdorscheschnawwel. Mansche bliehe zur Zeit, wann di Schdersch aus Afrika zuriggkumme. Des is meischdens zwische Åfång Mätz un Åfång Abrill. Do bliehe Cardamine pratensis, Lathyrus vernus un Corydalis cava. Bissl schbäder, im Mai odder ab em Mai, bliehe Tragopogon pratensis, Geranium sylvaticum, Iris germanica, Malva neglegta, Melilotus officinalis. Ånnare heeße Schdorscheschnawwel, weil ihre Fruchtschdänd aussehe wie en langer Schnawwel. Des sin Geranium sylvaticum, Pelargonium un Erodium cicutarium. Bei Tragopogon pratensis sieht-s so aus, wann-s verblieht is (wie uff-em Bild).
Corydalis cava (Hohler Lerchensporn) heeßt in Sidhesse, oischließlisch da Wedderau, Rhåihesse un da Kurpalz weit verbreit Schdorscheschnawwel, Schdorg- odder Schdorgeschnawwel, | |
Cardamine pratensis (Wiesen-Schaumkraut) im Kreis Grouß-Gerau, | |
Lathyrus vernus (Frühlingsplatterbse) im Kreis Bergschdrooß, | |
Iris Germanica (Deutsche Schwertlilie) im Kreis Grouß-Gerau, | |
Geranium sylvaticum (Wald-Storchschnabel) in de Kreis Mainz-Binge un Bergschdrooß, | |
Tragopogon pratensis (Wiesen-Bocksbart) im Landkreis Heilbronn. | |
Pelargonium (Geranie) heeßt in da Palz Schdorch- odder Schdorkeschnawwel. Da Name kummt vun da Form vun ihre Fruchtschdänd. Aa da wisseschaftlische Name geht do druff zurigg, Pelargonium kummt vum grieschische pélargos (πέλαργος), was Schdorsch heeßt. | |
Erodium cicutarium (Reiherschnabel) nennt ma in da Wedderau Schdorchschnawel. Wie da hochdeitsche Name Reiherschnabel, di alt-, middelnieder- un middelhochdeitsche Name Kranischschnawwel un da schlesische Name Ackerschnabel kummt aa Schdorschschnawel vun da Form vun de Fruchtschdänd. | |
Melilotus officinalis (Honigklee) heeßt ewefalls in da Wedderau Schdorchschnawel. | |
Malva neglecta (Weg-Malve) is im Kreis Kusel en Schdorchschnawwel. |
Annare Planzename mid Schdorsch sin: Schdorscheblumme, Schdorschebääche (Cardamine pratensis), Schdorchfuß, Schdorschebrot un Schdorchemillich (Cardamine pratensis).
This article uses material from the Wikipedia Pälzisch article Storchschnäbel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.