Renaud Séchan, dit Renaud, ch'est un auteu-compositeu-intarprète franchoés né ech 11 d'moai 1952 à Paris.
Ch'est un canteu populére in Franche et dins chele franchofonie. Il utilise ses canchons pou critiker chele sochiété, rinde onmache o faire sourire pèr un usache intinsif deul argot dins ses paroles.
I s'est li-meume sulomné « ech canteu arv'lant » à cose ed ses ingagemints pou des queuses conme chés drouots ed l'onme, l' écologime o l' antimilitarime qui transparette fréquinmint dins ses canchons et qu'ont suschité grandmint d'réaccions tout o long d's'carrière.
Sin taïon maternel, Oscar, ch'étot un mineu. Il a sorti un albom Renaud cante el' Nord in 1993 dousqu'i cante in chti ; ch'est princhipalemint des reprises des canchons à Edmond Tanière obin à Simon Colliez.
Il a ochi té un molé acteu; il a notanmint jué ech role Étienne Lantier dins ech film Germinal pèr Claude Berri.
This article uses material from the Wikipedia Picard article Renaud Séchan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Picard (DUHOCTRUNGQUOC.VN) is an independent company and has no affiliation with Wiki Foundation.