L’Ernaiçance ch’est un dékeupache proposè d’unne période d'echl’Istoére qui cminche dvers el fin du XVe pi qui rompt avuc ech Moéyin Ache raport qu'echl'umanime i cminche, unne conchepcion qui met chl'onme à ch'chinte d'el pinsèe et moins Diu, conme avant cho dins l'pinsèe médiévale.
Si qu’os o ieu bzoin d’parler d’unne nouvèle période à partir d’èch tans-lo, ch’est qu’il y o ieu des canjmints abiles à partir ed 1450 inviron dins ches arts pi l’vie intélectuèle in Urope avuc un grandessime intéret por echl’Antitchitè pi dins ches arts unne inmitacion d’pus in pus ed ches arts antikes.
Echl’Ernaiçance a sort d’ech Moéyin Ache, a constitue unne vraie keupure avuc ches sièkes avant per sin art pi ses tèmes qui font réfrince à ches Gréjoés pi ches Romains bieukeup pus qu’à ches tèmes crétiens qui sont caractéristikes des sièkes du Moéyin Ache dusqu’à lo.
This article uses material from the Wikipedia Picard article Ernaiçance, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Picard (DUHOCTRUNGQUOC.VN) is an independent company and has no affiliation with Wiki Foundation.