Suzanne Römer: Polítiko kurasoleño

Suzanne Francisca Coromoto Römer, tambe konosí komo Susanne òf Suzy Camelia-Römer, (☆ 4 di yanüari 1959 na Willemstad) ta un hurista i polítiko di Kòrsou.

El a okupá na dos okashon e puesto di promé minister di Antias Hulandes; promé brevemente na november 1993 i despues di 1998 te 1999. E tabata minister di Hustisia di Antia Hulandes (1992-1994), minister di Rekuperashon Nashonal i Asuntunan Ekonómiko di Antia Hulandes (1999-2002) i minister di Tráfiko, Transporte i Planifikashon Urbano di Kòrsou (2015-2017). Entre 29 di mei 2017 i 24 di yüli 2020 e tabata minister di Salubridat, Medio Ambiente i Naturalesa den gabinete Rhuggenaath.

Suzanne Römer
Suzanne Römer: Polítiko kurasoleño
Pais di nashonalidatReino Hulandes Editá
Nòmber kasáSuzanne Camelia Editá
Nòmber di dilantiSuzanne Editá
FamRömer Editá
Fecha di nasementu4 yanüari 1959 Editá
Lugá di nasementuKòrsou Editá
Okupashonpolitiko, abogado Editá
Funshonpromé minister di Antias Hulandes Editá
Partido polítikoQ30076547 Editá

Bida

Suzy Römer a nase den un famia di shete yu. Su mayornan, Hippolyte (Boeis) Römer i Thelma Römer-da Costa Gomez, tabata aktivo den partido PNP. Despues ku el a terminá su skol primario i sekundario na Kòrsou, el a bai Hulanda na 1978 pa studia lei na Universidat di Groningen. Despues di gradua na 1984, el a traha komo asistente di lei penal na e universidat. Na 1986 el a bolbe Kòrsou i a bira abogado. Seis aña despues, na 1992, el a kuminsa su karera polítiko komo representante di PNP, ora el a bira minister di Hustisia den e di dos gabinete Liberia-Peters. Den e funshon aki el a kousa sensashon ku su rechaso di un proposishon di Hulanda pa un struktura estatal nobo. Na novèmber 1993 el a bira promé minister di Antia Hulandes pa un tempu kòrtiku. El a ser siguí pa Alejandro Felippe Paula. Entre 1994 i 1998 Romer tabata miembro di Parlamento di Antias Hulandes i di 1995 te 1998 miembro di Konseho Insular di teritorio insular di Kòrsou.

Na 1998 e tabata atrobe promé minister di Antia Hulandes. Ora e koalishon a kai na 1999, el a renunsia i a bira minister di Rekuperashon Nashonal i Asuntunan Ekonómiko den gabinete Pourier III. Entre 2002 i 2015 el a traha den e sektor privá komo asesor legal spesialisá den derecho sivil i públiko. Tambe e tabata hues na Korte Konstitushonal di Sint Maarten. Na aprel 2015 PNP a pidié pa e sigui Earl Balborda, minister di Transporte i Ordenamentu Territorial di Kòrsou. El a okupá e funshon aki tras di otro den gabinetenan Whiteman II i Koeiman.

Na mart 2017 e ta funda su propio partido PIN i ta bira lider di partido. Na e elekshon 2017 PIN a logra un asiento den Parlamento di Kòrsou. Ku partisipashon di PIN den koalishon di gabinete Rhuggenaath Römer a bira minister i visepremier. E ta entregá su retiro komo minister entrante 24 di yüli 2020 despues ku Rennox Calmes, ko-fundadó i parlamentario di PIN, a bandoná e partido pa bira parlamentario independiente. Na yüni 2020 el a bira enfoke di diskushon pasobra a resulta ku el a asigna fondonan di emergensia di Covid na un kompania dirigí pa un miembro di famia. Den elekshon 2021 PIN no ta logra sufisiente voto pa rekuperá su asiento. Na mart 2023 a sali na kla ku CMC mester a paga un kandidato mas o ménos 218.000 florin, pasobra e candidata a kaba di bandoná su trabou anterior i a ser primintí un trabou na CMC. "Segun rumor, e ex-ministro di GMN, Camelia-Römer, a stroba e nombramentu, komo ta trata di un hulandes oropeo".

Römer ta miembro di Council of Women World Leaders i ta afiliá na University of Curaçao komo dosente.

Personal

Suzanne Römer ta kasá ku Carl Camelia, dosente universitario, fundadó i doño di universidat. Komo madrastra, Suzanne Römer a lanta e yu muhénan di Carl Camelia for di tempu ku nan tabata chikitu.

Tags:

19594 di yanüariAntias HulandesEugene RhuggenaathKòrsouLista di minister di Salubridat, Medio Ambiente i Naturalesa di KòrsouPromé ministerWillemstad

🔥 Trending searches on Wiki Papiamentu:

IslandiaVarsoviaSiglo 1923 di meiKabo VerdeGuera Sivil SirioGramatica di PapiamentoAsiaLeidenVietnamParlamento di Sint MaartenFlorUnion SovietikoJean-Jacques RousseauOrtografia di Papiamento1949Bhutan4 di martFlorenzaBucurestiBélgikaMultilingualismoBièrnèsantuElvis PresleyNatalee HollowayDerechi di ImportashonEgiptoTurkmenistanTrupial11 di ougùstùs3 di martRose Mary AllenHerusalemHeliumNel OduberSiudad di GuatemalaAnimalnan protehi na ArubaVladimir Lenin2023InglateraFransiaIrlandes (idioma)Dinamarka14 di yüniDolfijn FMApple Inc.ЗBandar Seri BegawanЇ1955AlemaniaЃElvis Tjin AsjoeHudaismoPrikichiTeknologiaBurkina FasoAdi MartisDemografia di KòrsouPsicologiaRafael CorreaDi Dos Guera MundialNIVRAUkraniaMiss KòrsouMúsikaDoublestoneWikipedia24 di mart12 di mart8 di yanüari🡆 More