Scol Arubano Multilingual (SAM) ta un sistema di scol basico nobo, diseña pa Aruba su situacion di idioma cu un enfoke riba multilingualismo.
SAM lo mester remplasa e scol tradicional, cu ta basa riba Hulandes como idioma di instruccion.
Papiamento ta un idioma oficial na Aruba desde 2003. Corsou a oficialisa Papiamentu como idioma na 2007, pero na 1986 caba a introduci Papiamentu den curiculo escolar.
E introduccion di SAM a cuminsa na 2009 na dos kleuterschool. Desde 2012 e sistema ta funciona na algun scol basico piloto na Aruba.
Den SAM e idioma di duna les ("idioma di instruccion") ta Papiamento, ya cu esey ta e lenga materno di gran mayoria (70%) di alumno riba e isla. Papiamento ta tambe e di dos idioma pa hopi alumno inmigrante. Den e scol multilingual e mucha ta siña Papiamento, Hulandes, Ingles y Spaño, desde kleuter caba. E mucha ta siña lesa y skirbi na Papiamento den klas 1. Lesamento ta mas cu decifra letter; e mucha mester compronde loke e ta lesa. Den klas 2 e ta siña lesa Hulandes tambe ora e tin sosten di e vocabulario di Hulandes cu el a siña mientrastanto. Y despues lo sigui tambe Ingles y Spaño. Un punto ta cu e mucha lo siña idioma stranhero, no como si fuera e ta un idioma conoci p’e, sino via un didactica special di familiarisacion pa siñamento di idioma stranhero.
Den e sistema aki, e idioma di instruccion pa muchanan di edad di kleuter te cu klas cuater ta Papiamento.
Den prome klas studiantenan ta siña lesa y skirbi na Papiamento. For di klas dos nan ta cuminsa siña e equivalente Hulandes di e palabranan cu nan a siña caba na Papiamento. For di klas tres, Ingles ta bin acerca y for di klas cuater, Spaño ta bin acerca den mesun manera cu Hulandes.
For di klas cinco e idioma di instruccion ta bira Hulandes .
A cuminsa implementa SAM na aña 2018 – 2019 den scolman piloto, unda tur klas di scol preparatorio te cu klas 6 di scol primario, ta forma parti di e programa multilingual. E introduccion y ancramento di e sistema aki na scolnan basico rond di Aruba plania pa caba na 2029.
Fuente, nota i/òf referensia |
This article uses material from the Wikipedia Papiamentu article Scol Arubano Multilingual, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.