E Norma-Wever-Croes ta un nomber colectivo pa un serie di normanan cu ta regula e salario maximo di funcionario halto den sector publico y semi-publico na Aruba.
Base di e norma ta un limite di salario, fiha na 130% di e total di salario di prome minister di Aruba. E norma ta carga e nomber di Evelyn Wever-Croes, prome minister di Aruba desde 2017.
Na 2020 a introduci un norma salarial como medida den cuadro di e "Landenpakket", un pakete di medida compila den palabracion cu Hulanda pa mehora e situacion financiero-economico na Aruba. E tabata specificamente un condicion di e Conseho di Minister di Reino (RMR, "Rijksministerraad") pa Aruba ricibi e di dos pakete di sosten di liquides durante e crisis di corona y cual a wordo uza pa e ayudo di emergencia FASE. E norma salarial tin como meta pa evita dunamento di salario exorbitante den sector (semi-)publico y pa trece cambio den e structura salarial di gobierno. E norma Wever-Croes ta comparabel cu e asina yama "Balkenendenorm" estableci na Hulanda na aña 2013.
Na 2022 formalisacion di e norma salarial den un ordenansa tabata uno di e ocho condicion pa elimina e recorte salarial di ambtenaar di 12,6%, un medida den cuadro di corona cu ta na vigor desde 2020.
Dentro di Reino Hulandes e paisnan Sint Maarten i Corsou tambe a introduci mediante ordenansa un norma pa reglementa e entrada mas halto den sector (semi)-publico.
E medida di norma salarial a wordo incorpora den un ley titula "Landsverordening Normering Topinkomens" (LNT) i na 2022 a ser presenta na Parlamento di Aruba. Cu amienda parlamento ta aproba e ley LTN dia 28 di juni; na cual momento e salario maximo pa aña a keda fiha na Af. 329.000 y acopla na un periodo di transicion di 5 aña.
Fuente, nota i/òf referensia |
This article uses material from the Wikipedia Papiamentu article Norma-Wever-Croes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.