Leonora Viola (Nora) Sneek-Gibbs (☆ 22 di òktober 1949 na Sint Eustatius - † 23 di mei 2022 na Sint Maarten) tabata un activista y politico di Sint Eustatius.
Di 1994 te 1997 e tabata Secretario di Estado (staatssecretaris) di Asuntonan Constitutional di Antias Hulandes y e prome hende muhe di Statia den un gabinete Antiano. Na 1991 e tabata e prome hende muhe elegi como miembro di Conseho Insular di Sint Eustatius. Desde 1992 e tabata alabes diputado y miembro di Colegio Ehecutivo di Sint Eustatius.
Nora Gibbs a nace na Sint Eustatius y a lanta na Aruba unda e tabata alumno na John Wesley College na San Nicolas. E ta obtene su MULO-diploma na 1970 y ta cuminsa su carera na Marinierskazerne Savaneta, unda e tabata traha di 1971 pa 1979. Despues di muda pa Hulanda e ta continua su estudio riba nivel MBO y HBO na Haarlem den recursonan humano. Na su regreso na su isla natal Sneek-Gibbs a bira ambtenaar, manehando e departamento di recurso humano.
Sneek-Gibbs tabata casa cu Nicolaas (Koos) Sneek, politico y na momento di su fayecimiento miembro di Conseho Insular. Despues di su recuperacion recien di un crisis di salud el a fayece inespera dia 23 di mei 2022 den Centro Medico Sint Maarten.
Sneek-Gibbs a ricibi un condecoracion real como Cabayero ("Ridder") den Orden di Oranje-Nassau.
Fuente, nota i/òf referensia |
This article uses material from the Wikipedia Papiamentu article Nora Sneek-Gibbs, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.