Lucas Johannes (Luc) Alofs (☆ 4 di juli 1960 na Kilder, Hulanda) ta un antropologo cultural y historiado hulandes-arubano, y specialista riba tereno di patrimonio cultural.
Pais di nashonalidat | Reino Hulandes |
---|---|
Nòmber di dilanti | Lucas, Johannes |
Fam | Alofs |
Nòmber di kariño | Luc |
Fecha di nasementu | 1960 |
Lugá di nasementu | Kilder |
Dominio di idioma | Hulandes, Ingles, Papiamentu |
Okupashon | antropólogo kultural, historiadó, dosente universitario |
Área di trabou | Antianismo, patrimonio kultural |
Dunadó di trabou | University of Curacao, universidat di Aruba |
A studia na | Universidat Radboud, Universidat di Leiden |
Describi pa URL | https://www.ua.aw/fas/#Faculty_Staff |
Luc Alofs a nace na Kilder, un pueblo chikito, cu ta cay bou di e municipio 's-Heerenberg na provincia Gelderland. E tabata alumno di e Lyceum Catolico di Gelderland na Arnhem y a studia antropologia cultural na Universidad Catolico Radboud na Nijmegen, unda e ta gradua na 1988. Na 2011 e ta obtene su doctorado como historiador na Universidad di Leiden riba e tema Onderhorigheid en separatisme. Koloniaal bestuur en lokale politiek op Aruba, 1816-1955.
Na 1990 Alofs ta muda pa Aruba. E tabata docente di Instituto Pedagogico Arubano (IPA) di 1996 te 2016 y a traha tambe pa departamento di Enseñansa y Universidad di Corsou. Aktualmente e ta profesor y investigador na facultad di arte i ciencia (FAS) di Universidad di Aruba (UA).
Desde 1985 Alofs ta investiga e cultura i historia di Aruba y a saca varios publicacion riba e terenonan aki y tambe riba desaroyo social na Aruba. Na 1990 el a bira conoci pa e publicacion „Ken ta Arubiano?; Sociale integratie en natievorming op Aruba‟. E buki, skirbi hunto cu Leontine Markies y cual ta un adaptacion di nan tesis di 1987, ta enfoca riba e relacionnan economico y politico, y particularmente esunnan social y cultural, dentro di Aruba na momento di bira un pais nobo cu e desintegracion di Antias Hulandes den dos pais.
Alofs ta autor di varios otro buki y articulo; e ta orador na conferencia y charlanan riba un gran variedad di tema y a desaroya diferente exposicion. Desde 2017 el a representa Aruba den e proyecto Traveling Caribbean Heritage di NWO/KITLV, cu a resulta den publicacion di dos buki tocante herencia cultural di e Islanan ABC, titula Antilliaans Erfgoed: Toen en Nu y Antilliaans Erfgoed: Nu en verder (2021). El a ocupa diferente funcion como dirigente y consehero, entro otro e tabata curator di Museo Historico di Aruba, miembro di e grupo di trabou ‘Cohesie in het Koninkrijk’ y presidente di e Comicion Nacional di UNESCO na Aruba. Actualmente e ta activo den varios grupo di trabou, entre nan ‘Dutch Caribbean Interinsular Platform Slavery Past’ y gruponan di tarea ministerial ‘Vierlandenoverleg Onderwijs Onderzoek Nederlandse Cariben’, ‘Commissie Voortgezet Ouderschap’ y ‘Commissie Bewustmaking Slavernijverleden Aruba’.
Alofs ta casa cu Leontine Merkies, kende a lanta na Corsou y hunto na tin un yu homber.
Fuente, nota i/òf referensia |
This article uses material from the Wikipedia Papiamentu article Luc Alofs, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.