Jonathan Schoop: Beisbolista hulandes
Jonathan Rufino Jezus Schoop (☆ 16 di òktober 1991 na Willemstad) ta un pelotero profeshonal yu di Kòrsou ku aktualmente ta hunga na posishon di segunda base ku e ekipo di Milwaukee Brewers den Major League Baseball.
| Pais di nashonalidat | Reino Hulandes  |
|---|---|
| Country for sport | Hulanda |
| Nòmber di dilanti | Jonathan |
| Fam | Schoop |
| Fecha di nasementu | 16 òktober 1991 |
| Lugá di nasementu | Willemstad |
| Ruman(nan) | Sharlon Schoop |
| Okupashon | pelotero |
| Posishon | second baseman |
| Miembro di tim òf klup | Baltimore Orioles |
| Deporte | beisbòl |
Bida
Promé ku Jonathan Schoop a subi den liga grandi, e tabata partisipa na e Little League World Series pa Kòrsou na aña 2003 i 2004. E tin un ruman chiki, Sharlon Schoop, tambe pelotero i ku aktualmente ta forma parti di e ekipo di Bowie Baysox.
Karera profeshonal
Na aña 2008 Schoop a firmá ku ku e ekipo di Baltimore Orioles komo agente liber. Na aña 2011, Schoop, huntu ku e pelotero Manny Machado, a representa Orioles na e All-Star Future Game 2011. El a gana e "Brooks Robinson Minor League Player of the Year", duná na e mihó pelotero den e sistema di liga menor di Orioles. Promé ku inisio di e temporada di 2012, Baseball America a nombra Schoop komo e terser mihó prospekto di Orioles i e di 82 enté.
Schoop a wòrdu yamá ariba for di e ekipo Triple-A di—Norfolk Tides dia 3 di sèptèmber 2013. Den su primer turno na bate den liga grandi riba 25 di sèptèmber, Schoop a bati un hit riba e picher Esmil Rogers di e ekipo di Toronto Blue Jays. Dos turno despues, Schoop a bati su promé home run riba e picher Kyle Drabek, ku un distansia di 430 pia. El a kaba e wega di 2-3 ku un home run, un RBI i 3 kareda empuhá. Den 5 partido di e Liga Major, Schoop a kaba e wega ku 4 hit, un home run i un RBI.
Dia 9 di aprel 2014, Schoop a bati su di dos home run riba e picher Masahiro Tanaka di e ekipo di Yankees kual a yuda e ekipo gana e partido ku un skor di 5-4. Den 137 partido den 2014, Schoop a bati .209 ku 16 home run i 45 RBI. Ku Orioles finalisando 96-99, e team a logra nan promé titulo den e AL East Championship for di 1997.
Dia 11 di aprel 2015, Schoop a bati su promé grand slam den su karera riba e picher Todd Redmond di e ekipo di Toronto Blue Jays. Durante di un partido kontra di e ekipo di Boston Red Sox riba 17 di aprel 2015, Schoop a sufri un leshon, kual a pone ku mester a inklui'é riba e lista di hungadó leshoná.
NA 2019 el a bati un homerun historiko pa Milwaukee Twins, segurando su viktoria riba Detroit Tigers ku un skor di 10-4.
Internashonal
Schoop a keda selektá varios biaha pa forma parti di e ekipo nashonal di Reino Hulandes; entre otro el a hunga den e Kopa Mundial di Beisbòl na 2011, Kampeonato Oropeo di Beisbòl na 2012 i World Baseball Classic na 2013, 2017 i 2023. Den e kampeonato regional Seri di Karibe el a partisipa den e ekiponan "Wildcats" na 2023 i "Caribbean Suns" na 2024, representando Kòrsou.
| Fuente, nota i/òf referensia |
This article uses material from the Wikipedia Papiamentu article Jonathan Schoop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.