Franklin van Gurp (☆ 26 di òktober 1995 na Sint Maarten), ta un pelotero profeshonal di Sint Maarten i internashonalista, formando parti di e tim nashonal di Reino Hulandes.
E ta hunga den posishon di picher.
Pais di nashonalidat | Reino Hulandes |
---|---|
Nòmber di dilanti | Franklin |
Fam | van Gurp |
Fecha di nasementu | 26 òktober 1995 |
Lugá di nasementu | Philipsburg |
Okupashon | pelotero |
Deporte | beisbòl |
Franklin van Gurp a nase na Sint Maarten y na edat di nuebe aña a muda pa Republika Dominikano, pais natal di su mama. El a kuminsa hunga beisbòl den posishon di "catcher", pero a disidí pa kambia pa picher. Despues di kaba skol sekundario e ta muda pa Merka unda e ta partisipa den liga di "college beisbòl" komo studiante na Florida International University. Na 2017 e ta wòrdu gescout dor di San Francisco Giants, unda el a hunga tres temporada den amatur MLB. Despues el a hunga te 2021 pa e klup Seattle Mariners. Den temporada 2022 ela partisipa den Indy Ball i despues den e liga dominikano di winter.
Van Gurp a debutá den tim di Reino na 2019 durante e Premier 12 na Mexico. Na 2021 ela forma parti di e selekshon hulandes pa e torneo klasifikatorio pa weganan olímpiko na Mexico. Na 2023 e tabata e úniko pelotero di Sint Maarten ku a keda selekshoná pa World Baseball Classic.
Fuente, nota i/òf referensia |
This article uses material from the Wikipedia Papiamentu article Franklin van Gurp, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.