Dividivi

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

E ta endémiko riba tur seis isla hulandes karibense: Aruba, Boneiru, Kòrsou, Saba, Sint Eustatius i Sint Maarten.

Dividivi

Has use	tanning agents
Nomber kòrtiku	C. coriaria
Nòmber sientífiko	Caesalpinia coriaria
Kategoria taksonómiko	espesie
Takson superior	Caesalpinia
Nòmber komun	divi divi, Divi-divi, Dividivi
Basónimo	Poinciana coriaria
GRIN URL	https://npgsweb.ars-grin.gov/gringlobal/taxonomydetail.aspx?id=8282

Nikolaus Joseph von Jacquin tabata e promé persona ku a deskribí e espesie aki na 1763 i a duna e mata e nòmber Caesalpinia. Na 1830 Diederich von Schlechtendal a transferí e mata pa e geno nobo di Libidibia. No semper a aseptá e geno Libidibia i usualmente a atribuí e mata den e geno di Caesalpinia te ku investigashon sientífiko na filogenétika molekular (molecular phylogenetic) a pone e mata bèk den e geno di Libidibia.

Nòmber komún di e espesie ta inkluí divi-divi, cascalote, guaracabuya, guatapana, nacascol , tan yong i watapana.

E dividivi no sa bira mas haltu ku 9 meter pa motibu ku su kresementu ta influensiá pa bientu di pasat ku ta dal den zona kostal habrí kaminda e palu aki ta krese. Den otro medio ambiente e mata ta krese bira un forma rondó pero ku un habrí bou di e parti mas haltu di e palu. E blachinan tin forma ku parse pluma i ta yama esaki 'geveerde bladeren' òf 'samengestelde bladeren'. Kada un blachi plumá grandi ta konsistí di 15 pa 25 par di blachi chikitu, di kua kada un ta midi 7mm di largura. E fruta ta un bonchi diki lorá di 5 cm di largura.

Ta saka un supstansia ku yama Tanin for di e bonchi hechu pa usa den produkshon di kueru. Un tipo di molekül ku ta isolá yama corilagin. Di akuerdo ku e database Ecocrop di FAO, e bonchi ta proveé tanin i un fèrf pretu ku ta usa den industria di produkshon di kueru i pa traha enk. Sa usa e bonchi tambe den remedi tradishonal. E palu duru koló skur sa usa den karpenteria. Tambe por planta e palu pa haña sombra. Kada palu por produsí 45-135 kilo di bonchi pa aña.

Ta konsiderá Dividivi, ounke no tin un base hurídiko pa esaki, komo e palu nashonal di e Islanan ABC, kaminda antes su bonchinan tawata wòrdu exportá. E palu ta fotogéniko i un atrakshon pa e industria di turismo riba e tres isla.

•  
  Un palu haltu bon desaroyá
•  
  Blachi i bonchi
•  
  Mata chikitu