Charetti Maria America-Francisca (n.
13 di aprel 1981 na Kòrsou) ta un polítiko kurasoleño. E ta presidente di Parlamento di Kòrsou desde 11 di mei 2021.
Pais di nashonalidat | Reino Hulandes |
---|---|
Nòmber kasá | Charetti America |
Nòmber di dilanti | Charetti, Maria |
Fam | Francisca |
Fecha di nasementu | 13 aprel 1981 |
Lugá di nasementu | Kòrsou |
Dominio di idioma | Papiamentu, Ingles, Hulandes |
Okupashon | politiko, konsehero familiar |
Funshon | parlamentario |
A studia na | Maria Immaculata Lyceum |
Partido polítiko | Movementu Futuro Kòrsou |
Miembro di | Parlamento di Kòrsou |
Wèpsait ofisial | http://charettiamerica.com/about/ |
Charetti America-Francisca ta yu muhé di Vilma Francisca i Harry Felipa i a lanta den e bario di Pretu den De Savaan, un bario humilde na Kòrsou. Después di a kaba Maria College, el a bishita Maria Immaculata Lyceum i studia Business management na Academie voor Bedrijfsmanagement. El a kuminsa su karera trahando den sektor bankario pero a kambia despues pa bira konsehero familiar i lider spiritual. America-Francisca ta fundadó di Curaçao Charity Foundation i ko-fundadó di Curaçao Youth Care Foundation. Na 2000 el a kasa ku Andy America i nan tin sinku yu. Huntu ku su kasá e ta organisá konferensia pa pareha i ta liderá diferente komunidat kristian.
Na elekshon di 2016 America-Francisca a hasi su entrada den polítika riba lista di partido MFK. E ta optene 208 voto personal i a sinta komo miembro di parlamento pa shete luna. Na elekshon di 2017 su votonan personal ta oumenta na 487, pero e no ta logra mantene su asiento. Na posishon number 3 riba lista di MFK i ku 732 voto personal durante elekshon di 2021 e ta regresa den Parlamento di Kòrsou. Durante e promé reunion di e parlamento nobo el a keda elegí unanimamente komo su presidente i susesor di Ana-Maria Pauletta.
Referensia
|
This article uses material from the Wikipedia Papiamentu article Charetti America-Francisca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.