Sylvius Gerard Marie (Boy) Rozendal (☆ 4 di yüli 1928 na Kòrsou - † 10 di yüni 2003 na Willemstad) tabata un polítiko kurasoleño di Partido Demokrat.
E tabata promé minister di Antias Hulandes di 1977 te 1979. Previamente e tabata minister di Finansa di 1969 te 1971 i minister plenipotensiario di Antias Hulandes di 1971 te 1975.
Nòmber di dilanti | Boy, Sylvius, Gerard, Marie |
---|---|
Fecha di nasementu | 4 yüli 1928 |
Lugá di nasementu | Kòrsou |
Fecha di fayesimentu | 10 yüni 2003 |
Lugá di fayesimentu | Kòrsou |
Okupashon | politiko |
Funshon | promé minister di Antias Hulandes |
Boy Rozendal a nase dia 4 di yüli 1928 na Kòrsou, yu di Maria Abbad i Ernesto J. Rozendal, kende tabata polítiko, miembro di Konseho Insular i diputado di Kòrsou. Otro miembronan di famia ku a skohe pa subi arena polítiko tabata su ruman Frank Rozendal i su yu muhe, Elsa Rozendal. Boy Rozendal ta kompletá su enseñansa sekundario na Peter Stuyvesant College i ta kontinua su estudio na Hulanda na Universidat di Amsterdam. Na 1957 e ta optené su lisensiado den siensia polítiko i sosial na Universidat di Ginebra. Na su regreso na Kòrsou, Rozendal a bai traha pa gobièrnu i den e promé mita di dekada 1960 tabata okupá e puesto di hefe interino di e servisio di informashon di Antias Hulandes (Regeringsvoorlichtingsdienst, RVD).
Na 1958 Rozendal ta uni na Partido Demokrat. Un aña despues e ta debutá den Konseho Insular, okupando su asiento pa diestres aña largu. Durante e periodo aki e tabata tambe diputado di finansa i asuntunan general durante sinku aña. Na 1966, e ta wòrdu elegí pa promé bes den Parlamento di Antias Hulandes.
Rozendal tabata minister di Finansa i vise-premier di Antias Hulandes bou di gabinete Petronia di 1970 te 1971. Durante gabinete Isa-Beaujon di 1971 te 1973 ela sirbi komo minister plenipotensiario di Antias Hulandes na Den Haag. Desde 1973 e tabata presidente di Partido Demokrat di Kòrsou.
Despues di retira di polítika Rozendal tabata aktivo komo reportero i editor. Entre 1990 i 1994 e ta bolbe drenta parlamento antiano. Dia 10 di yüni 2003 e ta fayesé na edat di 74 aña na Willemstad.
Referensia
|
This article uses material from the Wikipedia Papiamentu article Boy Rozendal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.