Accion Democratico Nacional: Partido politiko na Aruba

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

E tabatin un signatura social-democratico y tabata uza e color blauw. Entre 1986 y 1994 ADN a forma parti di e consecutivo gobiernonan di coalicion di pais Aruba.

Accion Democratico Nacional

Nomber kòrtiku	ADN
Fundadó òf kreadó	John Booi, Charro Kelly
Pais	Aruba

ADN a ser fundá dia 21 di april 1985 como un "partido di cunucu" dor di ex-politiconan di Movimiento Electoral di Pueblo, ku a critica e manera cu MEP tabata maneha e reglanan di democracia y e faboritismo pa cu e elite di partido. Fundadonan tabata Pedro Bislip, ex-gezaghebber, John Booi, ex-secretario insular y Charro Kelly, cu tabata e di dos candidato riba lista di MEP cu mas voto personal den eleccion 1983.

Entre 1985 y 1987 John Booi tabata presidente y lider di partido. Na eleccion 1985 pa parlamento di Aruba e partido ta logra 3.216 voto y dos asiento (for di un total di 21). Entrante 1 di januari 1986 el a goberna hunto cu partido AVP, PPA y PDA den e prome gabinete Arubano, gabinete Henny Eman I. Na juni 1987 ADN a bandona e coalicion y Charro Kelly su puesto como minister di Obra Publico. E siguiente dos eleccion e partido ta logra un asiento den parlamento; esta cu 2298 voto na 1989 y 2314 voto na 1993. E ta bira partner di coalicion den gabinete Oduber I y gabinete Oduber II. Na 1994 e partido a opta pa no participa den eleccion y ta disparce for di e parlamento. E siguiente eleccionnan na 1997 y 2001 e no ta logra suficiente voto pa haya representacion den parlamento. Despues di esaki e partido a bira inactivo i lider di partido Charro Kelly a retira for di politica.

Lider di partido:

• 1985-1987: John Booi (a encabesa e lista na eleccion 1985)
• 1987-2001: Charro Kelly (a encabesa e lista na eleccion 1989, 1993, 1997 y 2001)