Pukendang

Pukendang
Sampága ampóng bulung
Scientific classification
Kaarian: Plantae Orden: Fabales Familia: Fabaceae Genus: Clitoria Species: C. ternatea
Binomial name
Clitoria ternatea L.

Ing pukéndang (Clitoria ternatea), a áusan dang Asian pigeonwings, bluebellvine, blue pea, butterfly pea, cordofan pea ó Darwin pea, king Inglis, métung yang species ning tanáman a kayábé king familia Fabaceae, a katutúbú king isla ning Ternate king Indonesia.Template:Rp

King India, sasamban dé uling tutúring déng banal a sampága, at gagamítan dé karéng ceremonias a puja a gagáwan da aldó-aldó.

King Mauli Aslagang Asia, gagamítan déng pangulor /pángúlé king násing lakatan ampó king Eurasian putugal, ampó king Ayurvedic medicine. King Kelantan, king pangúlu-aslagang dáké ning peninsular Malaysia, mtéung yang maulagang sangkap king nasi kerabu, at ya ing páníbatan ning kayang kúléng azul ó iró. King pámaglútung Burmese ampóng Thai, titiltil dó réng sampága at piprítu da la. Gagamítan dé múrin bá yang dínan kúlé ing pámangan a Nyonyang Pulot tartal.

Gagáwan dé ing butterfly pea flower tea karéng sampága ning pukéndang ampó king pépalanging salé. Mánaliwá ya kúlé dependi king míblíng king liquidu, at nung katas ning limon ning míragdag, magí yang kúlé úbi. King Thailand ampóng Vietnam, maralas, sasámut dé ing butterfly blue pea flower tea king pulut panlían ampóng limon bá yang sumlam, at bá yang miyalilan king kúlé rósas ampóng kúlé úbi ing kayang kúlé. Ínúman dé ini kaybat mápun, o pápainum dé karéng hotel ampóng spa. Ínuman dé ining tsâ antimó ing tsang camomila karéng aliwang dáké ning yátu. Ínuman déng mapáli o marimla iti.

Bayu-báyu pámû, mika gámit ya king ginebrang mánaliwá kúlé. Azul ya king bóti, ónéng magí yang kúlé rósas kaybat nang mísámut king soft drink. Úling é la permanénti déng organic a kúlé, dápat yang isalikut ining clási ginebra king lugal a maralumdum bá yang é milakó ing eféctu.

•   Ating mediang maki kaugnayan kang/king Pukendang king Wiki Commons
• Plant of the Week—Clitoria ternatea. Archived from the original on 2007-08-09. Retrieved on 2007-07-31.
• Clitoria ternatea. Tropical Forages. Retrieved on 2007-07-31.
• A strain of Clitoria ternatea from the Philippines from the Int'l Soc. for Taxonomic Explorations Archived Oktubri 24, 2020 at the Wayback Machine by Isidro A. T. Savillo.

Template:Taxonbar