Amine Gemayel

Mibait ya king nayun o bariu ning Bikfaya, Lebanon i Amine Gemayel (Pangayagkas a Frances: [aˈmin ʒəmaˈjɛl]) , a anak nang Pierre Gemayel, ing talatátag ning Partido Kataeb. Inalal neng pamuntuk i Gemayel ning Parlamento (National Assembly) aniang 21 Setiembre 1982, kayalili ning kayang kapatad, i Bachir Gemayel, a miyalal aniang milabasan a bulan dapot pete re bayu ya milukluk.

Aniang alalan para king mebacanting distritu kanitang 1969, miyalal yang kayalii ning bapa nang meangu bie, i Maurice Gemayel, antimong kayanib ning Parlamento; simbut ne i Fuad Lahoud king lugit a 54% king 41%. Aniang 1972, ing tauling alalan kilub ning aduang pulung (20) banua, miyalal yang pasibayung maragul ya lugit king kayang kalaban.

Kabang tuturing deng radical king politica ing wali nang i Bashir, a misusulung king pamagtabi kareng guerrillang Palestinu ibat king Lebanon ampo king maragulan a pamagbayu king sistemang political, ampo ing posibling pamagkasundu king Israel, tuturing demg mas kasantingan posiciun i Amine Gemayel. Pane yang manintun king pamikasundu (consensus), at, lalu na aniang bayu ya meging pamuntuk, lilisian na ing akalaban na la deng politicung Muslim anti ing gewa ning kapatad na.^{[mangailangangan yang sitas/suporta]} Aniang pete re i Bashir Gemayel tuturing deng natural a mapili i Amine a magbuklud kareng talasuporta ning kayang meteng kapatad, ampo reng kayang kalaban a Muslim

• List of Presidents of Lebanon