Unitati Palora: Nsiemi di funemi ca nta na lingua rapprisèntunu nu cuncettu

Nnâ linguìstica rapprisenta la cchiù nica cumpunenti chi pò èssiri ditta cu nu significatu ovviu, di sòlitu rapprisenta nu tèrmini o vucàbbulu.

La palora pò èssiri parrata o scritta. Chiddi parrati cumprènninu soni chi si chiàmanu funemi. Chî palori scritti, li sìmmuli gràfici (la grafìa) si chiàmanu grafemi. Ogni sìmmulu sìngulu e' littra chi fannu parti di l'alfabbetu dâ lingua pirtinenti.

• cci l'haiu supra â punta dâ lingua, ssa palora! - aviri na palora mpizzu â lingua chi nun cci veni a unu
• mâ luvasti di mmucca ssa palora! - discurrennu ntr'amici, quannu unu dici quarchiccosa chi n'àutru stava pi diri
• nun cci haiu caputu na palora! - quannu unu nun capisci nenti di zoccu vinni discurrutu
• diri certi palori muzzi - parrari tra li denti
• sturpiàri li palori - prununziari senza chiaritati
• palora ammàtula - bistèmia o jastima
• a palora a palora; di palora 'n palora - â littra

Palori di Marcu Scalabrinu, n'astrattu:

Certi palori sunnu duri
duri chiù di autri
a ncrucchittari
ntantu mi sconcicanu
mi cunnucinu manu manuzza
m'ammustranu mari e munti
e universi trascinnenti
e poi addimuranu
s'annacanu tutti e scialanu
si siddìanu e l'aju a priari.

• Li megghiu palori sunnu chiddi ca nun si dìcinu. (Spissu e' megghiu nun dìrinni la prima cosa ca si cci veni mmucca, spiciarmenti si fùssiru palori banali o nùtili.)