भारत स्वतंत्रता दिवस
स्वतंत्रता दिवस भा आजादी दिवस, हर बरिस 15 अगस्त के भारत मे मनावल जाये वाला राष्ट्रीय परब हवे। अंग्रेजी शासन से 15 अगस्त 1947 के मिलल आजादी के सालाना बरसी आ यादगार के रूप मे ई दिवस मनावल जाला। भारत के अंग्रेजी राज से आजादी एगो लमहर लड़ाई आ आंदोलन के बाद मिलल। आजादी के एह आंदोलन मे अहिंसक प्रतिरोध आ सबिनय अवज्ञाँ के भूमिका उल्लेख जोग रहल आ भारतीय राष्ट्रीय काँग्रेस एह आंदोलन के मुख्य अगुआई करे वाला दल रहल। आजादी के साथे-साथ भारत के बखरो लागल आ तत्कालीन भारतीय ब्रिटिश राज, भारत आ पाकिस्तान, दू बखरा मे बँटा गइल। एह बँटवारा मे बहुते बेसी हिंसा आ लूटपाट के घटनो भइल आ लमसम 150 लाख लोग एह दौरान हिंसा के शिकार भइल। 15 अगस्त 1947 के, जवाहरलाल नेहरू, जे ओहि दिने भारत के पहिला परधानमंत्री बनल रहलें, लाल किला के लाहौरी गेट पर तिरंगा झंडा फहरवलें। एकरा बाद से अबले हर स्वतंत्रता दिवस पर एही जा तिरंगा फहरावल जाला आ प्रधानमंत्री लाल किला से देस के अपना भाषण में संबोधित करे लें।
| स्वतंत्रता दिवस | |
|---|---|
.jpg) | |
| मनावे वाला |  भारत |
| प्रकार | राष्ट्रीय परब-तिहुआर |
| मनावे के तरीका | झंडा फहरावल, लालकिला से प्रधानमंत्री के भाषण; परेड, प्रभात फेरी, आ बिबिध सांस्कृतिक कार्यक्रम |
| समय | 15 अगस्त 1947 |
| केतना बेर | सालाना |
पूरा भारत में ई छुट्टी के दिन होला आ झंडा फहरावल जाला, परेड होला, प्रभात फेरी निकले ले, आ बिबिध किसिम के सांस्कृतिक कार्यक्रम आयोजित कइल जालें। एह छुट्टी के दिने इस्कूल आ सरकारी दफ्तर सभ में मिठाई बाँटल जाले लेकिन कवनो पढ़ाई या दफ्तर के काम ना होला।
देस में एह दिन बिसेस सुरक्षा के इंतजाम भी कइल जाला।
इहो देखल जाय
संदर्भ
| विकिमीडिया कॉमंस पर संबंधित मीडिया Independence Day (India) पर मौजूद बा। |
- भारतीय स्वतंत्रता दिवस, भारत सरकार के वेबसाइट पर। (अंग्रेजी में)
- भारतीय स्वतंत्रता दिवस, एन्साइक्लोपीडिया ब्रिटैनिका के ब्लॉग में। (अंग्रेजी में)
This article uses material from the Wikipedia भोजपुरी article स्वतंत्रता दिवस (भारत), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.