ਸ਼ਹਿਨਾਜ਼ ਗਿੱਲ

ਸ਼ੁਰੂਆਤੀ ਜੀਵਨ ਅਤੇ ਕਰੀਅਰ ਦੀ ਸ਼ੁਰੂਆਤ

ਗਿੱਲ ਦਾ ਜਨਮ 27 ਜਨਵਰੀ 1993 ਨੂੰ ਹੋਇਆ ਅਤੇ ਉਨ੍ਹਾਂ ਦਾ ਪਾਲਣ-ਪੋਸ਼ਣ ਪੰਜਾਬ, ਭਾਰਤ ਵਿੱਚ ਹੋਇਆ। ਉਹ ਪੰਜਾਬੀ ਮੂਲ ਦੀ ਹੈ ਅਤੇ ਇੱਕ ਸਿੱਖ ਪਰਿਵਾਰ ਨਾਲ ਸੰਬਧ ਰੱਖਦੀ ਹੈ। ਉਸ ਨੂੰ ਅਦਾਕਾਰੀ ਅਤੇ ਗਾਉਣ ਦਾ ਸ਼ੌਕ ਸੀ, ਅਤੇ ਬਚਪਨ ਤੋਂ ਹੀ ਅਦਾਕਾਰ ਬਣਨ ਦਾ ਸੁਪਨਾ ਵੇਖਦੀ ਸੀ।

ਉਸ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2015 ਵਿੱਚ "ਸ਼ਿਵ ਦੀ ਕਿਤਾਬ" ਵਿੱਚ ਪੇਸ਼ਕਾਰੀ ਨਾਲ ਕੀਤੀ ਸੀ। ਗਿੱਲ 2016 ਵਿੱਚ "ਮਾਝੇ ਦੀ ਜੱਟੀ" ਅਤੇ "ਪਿੰਡੇ ਦੀਆਂ ਕੁੜੀਆਂ" ਵਿੱਚ ਨਜ਼ਰ ਆਈ ਸੀ। ਗਿੱਲ ਦਾ ਇੱਕ ਹੋਰ ਸੰਗੀਤ ਵੀਡੀਓ ਗੈਰੀ ਸੰਧੂ ਦੇ ਨਾਲ ਆਇਆ ਸੀ ਜਿਸ ਦਾ ਸਿਰਲੇਖ "ਯੇਹ ਬੇਬੀ ਰੀਮਿਕਸ" ਸੀ। ਗਿੱਲ ਨੇ ਕੁਝ ਪੰਜਾਬੀ ਫ਼ਿਲਮਾਂ ਜਿਵੇਂ ਕਿ 2017 ਵਿੱਚ ਸਤਿ ਸ਼੍ਰੀ ਅਕਾਲ ਇੰਗਲੈਂਡ, 2019 ਵਿੱਚ ਕਾਲਾ ਸ਼ਾਹ ਕਾਲਾ ਅਤੇ ਡਾਕਾ ਵਿੱਚ ਵੀ ਅਭਿਨੈ ਕੀਤਾ।

ਬਿੱਗ ਬੌਸ 13 ਅਤੇ ਹੋਰ ਉੱਦਮ

 

ਸਤੰਬਰ 2019 ਵਿੱਚ, ਗਿੱਲ ਨੇ ਬਿੱਗ ਬੌਸ 13 ਵਿੱਚ ਇੱਕ ਮਸ਼ਹੂਰ ਭਾਗੀਦਾਰ ਵਜੋਂ ਪ੍ਰਵੇਸ਼ ਕੀਤਾ। ਜਦੋਂ ਉਹ ਬਿੱਗ ਬੌਸ ਦੇ ਘਰ ਵਿੱਚ ਸੀ, ਉਸ ਦਾ ਪਹਿਲਾ ਸਿੰਗਲ, "ਵੇਹਮ" ਬਾਹਰ ਆਇਆ, ਇਸ ਦੇ ਬਾਅਦ "ਸਾਈਡਵਾਲਕ", "ਰੇਂਜ" ਅਤੇ "ਰੋਂਡਾ ਅਲੀ ਪੇਟੀ" ਸਮੇਤ ਕੁਝ ਹੋਰ ਸਿੰਗਲਜ਼ ਆਏ। ਸੀਜ਼ਨ ਫਰਵਰੀ 2020 ਵਿੱਚ ਸਮਾਪਤ ਹੋਇਆ, ਜਿੱਥੇ ਗਿੱਲ ਦੂਜੇ ਰਨਰ-ਅਪ ਦੇ ਰੂਪ ਵਿੱਚ ਸਮਾਪਤ ਹੋਈ। ਫਰਵਰੀ 2020 ਵਿੱਚ, ਉਹ ਮੁਝਸੇ ਸ਼ਾਦੀ ਕਰੋਗੇ ਵਿੱਚ ਦਿਖਾਈ ਦਿੱਤੀ ਪਰ ਇਹ ਕੋਵਿਡ -19 ਮਹਾਂਮਾਰੀ ਦੇ ਕਾਰਨ ਇੱਕ ਮਹੀਨੇ ਦੇ ਅੰਦਰ ਖਤਮ ਹੋ ਗਿਆ।

ਗਿੱਲ ਫਿਰ "ਭੂਲਾ ਦੂੰਗਾ", "ਕਹਿ ਗਈ ਸੌਰੀ", "ਕੁੜਤਾ ਪਜਾਮਾ", "ਵਾਅਦਾ ਹੈ", "ਸ਼ੋਨਾ ਸ਼ੋਨਾ" ਅਤੇ "ਫਲਾਈ" ਸਮੇਤ ਬਹੁਤ ਸਾਰੇ ਸੰਗੀਤ ਵਿਡੀਓਜ਼ ਵਿੱਚ ਦਿਖਾਈ ਦਿੱਤੀ। ਗਿੱਲ ਪੰਜਾਬੀ ਫ਼ਿਲਮ ਹੋਂਸਲਾ ਰੱਖ ਵਿੱਚ ਨਜ਼ਰ ਆਉਣ ਵਾਲੀ ਹੈ।

ਗਿੱਲ ਨੂੰ ਕ੍ਰਮਵਾਰ 2019 ਅਤੇ 2020 ਵਿੱਚ ਟੀਵੀ ਉੱਤੇ ਟਾਈਮਸ ਟੌਪ 20 ਮੋਸਟ ਡਿਜ਼ਾਇਰੇਬਲ ਵੁਮੈਨ ਵਿੱਚ 13ਵਾਂ ਅਤੇ 11ਵਾਂ ਸਥਾਨ ਦਿੱਤਾ ਗਿਆ ਸੀ। ਉਹ 2020 ਵਿੱਚ ਦਿ ਟਾਈਮਜ਼ ਮੋਸਟ ਡਿਜ਼ਾਇਰੇਬਲ ਵੁਮੈਨ ਵਿੱਚ 45ਵੇਂ ਨੰਬਰ 'ਤੇ ਸੀ। 2021 ਵਿੱਚ, ਗਿੱਲ ਫਿਲਮਫੇਅਰ ਦੇ ਡਿਜੀਟਲ ਕਵਰ 'ਤੇ ਨਜ਼ਰ ਆਈ ਅਤੇ ਈਟੀ ਪ੍ਰੇਰਣਾਦਾਇਕ ਮਹਿਲਾ ਇਨਾਮਾਂ ਵਿੱਚ ਉਸ ਨੂੰ "ਪ੍ਰੋਮੀਸਿੰਗ ਫਰੈਸ਼ ਫੇਸ" ਵਜੋਂ ਸਨਮਾਨਿਤ ਕੀਤਾ ਗਿਆ।

ਫ਼ਿਲਮਾਂ

ਟੈਲੀਵਿਜ਼ਨ

ਵਿਸ਼ੇਸ਼ ਦਿੱਖ

ਸੰਗੀਤ ਵੀਡੀਓ