ਜਗਤਾਰ ਸੋਖੀ: ਪੰਜਾਬੀ ਕਵੀ

ਜਗਤਾਰ ਸੋਖੀ (ਜਨਮ 5 ਜੂਨ 1969) ਕਵੀ, ਚਿੱਤਰਕਾਰ ਅਤੇ ਅਨੁਵਾਦਕ ਹਨ ਜੋ ਪੰਜਾਬੀ ਦੀ ਸੁੰਦਰ ਲਿਖਾਈ ਲਈ ਪਿਛਲੇ ਕਈ ਸਾਲਾਂ ਤੋਂ ਨਿੱਠਕੇ ਕੰਮ ਕਰ ਰਹੇ ਹਨ। ਪੇਸ਼ੇ ਵਜੋਂ ਉੁਹ ਸਕੂਲ ਮਾਸਟਰ ਹਨ ਤੇ ਅੱਜਕਲ ਸਰਕਾਰੀ ਮਿਡਲ ਸਕੂਲ ਪਿੰਡ ਕਬਰਵੱਛਾ ਜ਼ਿਲ੍ਹਾ ਫ਼ਿਰੋਜ਼ਪੁਰ ਵਿੱਚ ਪੜ੍ਹਾ ਰਹੇ ਹਨ। ਹੁਣ ਤੱਕ ਉਹ ਪੰਜਾਬੀ ਦੀ ਸੁੰਦਰ ਲਿਖਾਈ ਸੰਬੰਧੀ ਅਨੇਕਾਂ ਹੀ ਵਰਕਸ਼ਾਪਾਂ ਲਗਾ ਚੁੱਕੇ ਹਨ। ਸੁੰਦਰ ਲਿਖਾਈ ਸੰਬੰਧੀ ਉਹਨਾਂ ਦੀਆਂ ਕਈ ਹੱਥ-ਲਿਖਤ ਕਿਤਾਬਾਂ ਛਪ ਚੁੱਕੀਆਂ ਹਨ। ਉਹਨਾਂ ਦੇ ਹੱਥ-ਲਿਖਤ ਸ਼ੇਅਰ ਕਿੰਨੀਆਂ ਹੀ ਪੇਂਟਿੰਗਜ ਤੇ ਛਪ ਚੁੁੱਕੇ ਹਨ। ਉਹ ਉਰਦੂ ਫ਼ਾਰਸੀ ਦੇ ਚੰਗੇ ਗਿਆਤਾ ਹਨ। ਉਹਨਾਂ ਨੇ ਗੁੁਰੂ ਗੋਬਿੰਦ ਸਿੰਘ ਰਚਿਤ ਜ਼ਫ਼ਰਨਾਮਾ ਨੂੰ ਫ਼ਾਰਸੀ ਤੋਂ ਪੰਜਾਬੀ, ਹਿੰਦੀ ਅਤੇ ਅੰਗਰੇਜ਼ੀ ਵਿੱਚ ਅਨੁਵਾਦਿਤ ਕੀਤਾ ਹੈ।