Хæдарцаты Махарбег
Хæдарцаты Хазбийы фырт Махарбег (райгуырд 1962-æм азы 2 октябры, Суададжы хъæуы) у советон, уæрæсейæг æмæ узбекистайнаг уагъдибар хъæбысæйхæцæг, дыууæ хатты олимпиаг чемпион, фондз хатты дунейы чемпион, цыппар хатты Европæйы чемпион, бирæхаттон Советон Цæдисы чемпион.
ССРЦ-йы сгуыхт спорты мастер (1986). Экономион зонæдты кандидат (1998). ЦИ АССР-ы сгуыхт физикон культурæйы кусæг (1990).
| Хæдарцаты Махарбег | |
|---|---|
 | |
| Райгуырды датæ | 1964-æм азы 2 октябры (59 азы) |
| Райгуырæны бынат | |
| Бæстæ | |
| Архайды хуыз | политик, хъæбысæйхæцæг, Паддзахадон Думæйы депутат |
| Хорзæхтæ æмæ премитæ |     |
 Викикъæбицы медиа | |
Спортивон карьерæйы фæстæ сси политик æмæ амалиуæгдар. Уыдис Паддзахадон думæйы VI хуынды депутат 2011-æм азы 21 декабрæй. Фæстæдæр (2014-æм азы 29 сентябры) сси сахар Дзæуджыхъæуы сæрдар, уыцы позици дардта 2019-æм азы онг.
Цардафыст
1986 азæй 1995 азмæ фæуæлахиз 8 дунейы чемпионатты, уыцы рæстæджы рамбулдта 5 сыгъзæрин, 2 æвзист æмæ 1 бронзон хорзæхтæ.
1994 æмæ 1995 азты чемпионатты, æмæ 1996-æм азы Олимпиадæйы Атлантæйы, райста дыккаг бынæттæ, фыццаг та уыд инайнаг хъæбысæйхæцæг Расул Хадем.
1995-1999 азты уыд Цæгат Ирыстоны парламенты депутат.
2000-æм азы Олимпиадайы Сиднейы раздæхт спортмæ, фæлæ уæрæсейæг æмбырдгонд командæйы скондмæ бацæуын йæ бон нæ фæци. Хайад иста Узбекистаны тырысайы бын, фæлæ æрцахста æрмæстдæр 14-æм бынат йæ категорийы.
1993-æм азы у бæгæныфыцæн æмæ æнæалкоголон продукцийы завод Дарьялы генералон директор. Цæры Дзæуджыхъæуы, ис йæм йегъау галуан Уæллæг Фиагдоны дæр.
Йæ хистæр æфсымæр Хæдарцаты Аслан (1961—1990) дæр богал уыд, уыдис ССРЦ-йы æмбырдгонды уæнг, дунейы æртæхаттон чемпион, ССРЦ-йы сгуыхт спорты мастер æмæ ССРЦ-йы сгуыхт тренер. Амард автокатастрофæйы 1990-æм азы сæрды.
2014-æм азы 29 сентябры сси сахар Дзæуджыхъæуы сæрдар, уыцы позици дардта 2019-æм азы онг. 2021-æм азы парти «Иугонд Уæрæсе»-йæ ацыд.
Цымыдисаг факттæ
Хæдарцаты Махарбег Олимпаг хъазтыты цыппар хатты хайад иста, æмæ алы хатт æндæр æмæ æндæр тырысаты бын: Сеул-1988 — ССРЦ, Барселонæ-1992 — Иугонд командæйы олимпиаг тырыса, Атлантæ-1996 — Уæрæсе, Сидней-2000 — Узбекистан.
Фиппæинæгтæ
Æрвитæнтæ
- Махарбек Хадарцев на сайте ossetians.com
- Хадарцев, Махарбек Хазбиевич // Большая олимпийская энциклопедия: В 2 т. / Автор-составитель В. Л. Штейнбах. — М.: Олимпия Пресс, 2006.
- Махарбек Хадарцев на сайте Федерации спортивной борьбы России Архивгонд æрцыдис 9 июны 2010 азы.
- Сайт ОАО «Дарьял»
- Хадарцев, Махарбек Хазбиевич // Официальная страница депутата Государственной думы
This article uses material from the Wikipedia Иронау article Хæдарцаты Махарбег, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Текст у сæрибарCreative Commons Attribution/Share-Alike License лицензимæ гæсгæ; гæнæн ис æндæр æм ис. Бæстондæр бакæс Пайда гæныны домæнтæ. Википеди у Викимеди фондыон регистраци гонд нысан. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Иронау (DUHOCTRUNGQUOC.VN) is an independent company and has no affiliation with Wiki Foundation.