Азербайджан
Азербайджа́н (азерб.
Azərbaycan) у паддзахад Фæскавказы, Къаспы денджызы былгæрон, кæддæры Советон Цæдисы республикæ. Йæ сæйраг сахар у Баку. Кæд географийы цæстæнгасæй Фæскавказ Азимæ хауы, Азербайджан йæхи европæйаг паддзахадыл нымайы (Сомих æмæ Гуырдзыстоны дæр афтæ кæнынц).
| Азербайджаны Республикæ | |||||
|---|---|---|---|---|---|
| Azərbaycan Respublikası | |||||
| |||||
| Девиз: «Odlar Yurdu (Æртыты бæстæ)» | |||||
| Гимн: «Azərbaycan Marşı!» | |||||
 | |||||
| Официалон æвзаг | азербайджайнаг | ||||
| Сæйраг сахар | Баку | ||||
| Стырдæр сахартæ | Баку, Гандза, Нахичевань | ||||
| Хицауиуæджы хуыз | Республикæ | ||||
| Территори | |||||
| • Æдæппæт | 86 600 км² | ||||
| Цæрджытæ | |||||
| • Бахыгъд | 9 593 000 ад. | ||||
| • Æнгомад | 109 ад./км² | ||||
| ÆМП | |||||
| • Æдæппæт (2011) | 94,318 млрд. долл. | ||||
| Валютæ | манат | ||||
| Интернет-домен | .az | ||||
| Код ISO | AZ | ||||
| ÆОК-ы код | AZE | ||||
| Телефонон код | +994 | ||||
| Сахатон таг | +4 | ||||
 Викикъæбицы медиа | |||||
Уæрæсейы империйы фехæлды фæстæ Азербайджан сси пысылмон дунейы фыццаг паддзахад, кæцыйæн дин йæ бындурыл нæ уыд. Уый бацыд Сомих æмæ Гуырдзостонимæ цæдисон паддзахадмæ — Фæскавказы комиссариат, зæгъгæ — фæлæ дыууæ азы фæстæ республикæтæ ахицæн сты. Советон хицауад Фæскавказы куы ныффидар, азербайджайнаг зæххыты уыдысты Фæскавказы федеративон республикæйы сконды 1936-æм азы онг. 1936-æм азæй 1991-æм азы онг Азербайджан уыд фынддæс советон республикæйæ иу.
Азербайджан у Хæдбар Паддзахæдты Æмбалады уæнг 1993-æм азæй. Уый у Европæйы советы уæнг 2001-æм азæй. Кæд бæстæйы уагдæттæ демократон хуызы сты, Азербайджан нымад у авторитарон паддзахадыл.
Цæрджытæ
Бæстæйы цæрджытæй фылдæр хай сты азербайджайнæгтæ (90 процентæй фылдæр), кæцытæ дзурынц азербайджайнаг æвзагыл. 2009-æм азы Азербайджаны цæрджыты сфыстмæ гæсгæ, бæстæйы цæрынц 8 922 447 адæймаджы, 2010-æм азмæ уыцы нымæц хъуамæ байрæзтаид 9 милуанмæ. 2019-æм азы 6 апрелы Азербайджаны статистикæйы паддзахадон комитет фехъусын кодта, бæстæйы дæс милуанæм цæрæг кæй райгуырдис, уый тыххæй.
Сахарты цæрынц Азербайджаны цæрджытæй 52,8 %, хъæуты та — 47,2 %.
Азербайджаны уырнджыты фылдæр хай сты шиитаг пысылмæттæ.
Экономикæ
Азербайджаны паддзахадон валютæ хуыйны манат.
Азербайджан хъæздыг у нефты гуырæнтæй. Нефт канд къахгæ нæ кæнынц, фæлæ ма уымæй исынц æндæр буаргъæдтæ дæр бынæттон химион индустрийы фæрцы. Нефт ахсы Азербайджаны экспорты 60%, нефты продукттæ та — 24 %. Къахынц ма сызгъæрин æмæ æрдзон газ дæр.
Азербайджаны хъæууон хæдзарад зæйын кæны бæмбæг, тамако, цай, алыхуызон дыргътæ.
Тагъд рæзы Азербайджаны туризмы къабаз дæр, коронавирусы пандемийы агъоммæ-иу бæстæмæ æрцыдысты милуанæй фылдæр туристтæ алы афæдз дæр.
Административон дих
Азербайджан дих кæны 66 районыл (азерб. rayonlar), 11 республикæйы дæлбарады сахарыл (азерб. şəhərlər) æмæ 1 автономон республикæйыл (азерб. muxtar respublika) — Нахичеваны Автономон Республикæ.
Республикæйы дæлбарады сахартæ
Фиппаинæгтæ
 | Ацы уац Азербайджаны тыххæй къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |
This article uses material from the Wikipedia Иронау article Азербайджан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Текст у сæрибарCreative Commons Attribution/Share-Alike License лицензимæ гæсгæ; гæнæн ис æндæр æм ис. Бæстондæр бакæс Пайда гæныны домæнтæ. Википеди у Викимеди фондыон регистраци гонд нысан. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Иронау (DUHOCTRUNGQUOC.VN) is an independent company and has no affiliation with Wiki Foundation.