Ирон Адæм

Ирæттæ
Ирæттæ
Ахæлиу æмæ нымæц
	Æдæппæт: ▲ 700 000
	Уæрæсе: 528 515 (2010), 514 875 (2002) ; Цæгат Ирыстон: 459 688 (2010); Мæскуы: 11 311 (2010); Кæсæг-Балхъар: 9129 (2010); Стъараполы край: 7988 (2010); Бетъырбух: 5233 (2018); Краснодары край: 4537 (2010); Мæскуыйы облæст: 3427 (2010); Хъæрæсе-Черкес: 3542 (2010); Ростовы облæст: 2801 (2010); Тюмены облæст: 1813 (2010); Красноярсчы край: 1493 (2010); Волгограды облæст: 1380 (2010); ; ; Хуссар Ирыстон: 48 146 (2015); Турк: 45 000 (2019); Гуырдзыстон: 15 385 (2018); 175 200 (1989) Мидæггаг Картли: 4668 (2014); 13 383 (2002); Тбилис (Калак): 4313 (2014); 10 268 (2002); Къахет: 2526 (2014); 6109 (2002); ; Украинæ: 8834 (2010); Узбекистан: 7700 (2019); Азербайджан: 2620; Туркменистан: 2310; Хъазахстан: 1326 (2009); Таджикистан: 1200 (2019) ; Сири: 700; Абхаз: 605 (2011); Хъиргъиз: 600 (2016); Беларусь: 554 (2009); Латви: 273 (2020)
Иумæйаг информаци
Æвзаг	ирон
Дин	чырыстон дин, пысылмон дин, ирæтты адæмон дин
Кæй сконды у	ирайнаг адæмтæ
Этникон дæлкъордтæ	дыгур, ир
Фыдæлтæ	алайнæгтæ, сæрмæттæ, кавказаг адæмтæ
	Викикъæбицы медиа

ирæ, ирæнттæ) cты цæгат-скæсæйнаг ирайнаг æвзагыл дзурæг адæмыхатт, сæ фылдæр хай цæры Ирыстоны (Хуссар æмæ Цæгаты дæр). Ирæттæ дзурынц ирон æвзагыл, уыдонæй сæ фылдæрæй дæр сты дывзагон (зонынц ма уырыссаг æвзаг, цалдæр раны та — гуырдзиаг кæнæ туркаг).

Ирон æвзаг дих кæны дыууæ диалектыл: ирон æмæ дыгурон. Уыдоныл дзурæг адæмы хонынц ир æмæ дыгур.

Ирæттæ равзæрдысты ирайнаг цæугæцардгæнæг знæмæй, алантæй, кæцытæ гуннты ныббырсты фæстæ æрбынат кодтой Кавказы æмæ дзы сарæзтой тыхджын æстæузаман паддзахад, Алани. XIV æнусы, Тамерланы ныббырсты фæстæ, сæ баззайæггагтæ дарддæр хæхтæм алыгъдысты, æрцардысты Кавказы хæхты хуссар æмæ цæгат фæрстыл æмæ райдийæн радтой нырыккон ирæттæн.

Этноним

Иу версимæ гæсгæ дзырд «ирон» рацыди дзырд «арийон»-æй (آریا, ārya, aryien — «уæздан»). Фæлæ номдзыд иранист Абайты Васо ацы гипотезæимæ разы нæ уыд, уымæ гæсгæ ныхасæй "арийон" цыдис ирæтты фыдæлты хином — "аллон", ныхæстæ та "Ир" æмæ "Ирон" цæуынц цыдæр рагон Кавказаг топонимæй. Цасдæр иртæсджыты хъуыдымæ гæсгæ дзырд "Ир" цæуы рагон ирайнаг ныхасæй "uira", авестиаг "vira", кæцы нысæн кæны "лæг" кæнæ "хъайтæр" нырыкон ирон æвзагыл. Ацы ныхас ис æндæр скæсæйнаг ирайнаг æвзагты дæр, зæгъæм согъдиаг "wyr" æмæ ягънобаг "vir".

Ирон адæмы æндæр субэтникон къорд, дыгурæттæ, сæхи ирæттæй нæ хонынц æмæ сæ хином у афтиддæр дигорæнттæ. Ныхасы Дигор кæнæ Дыгур рагондæр кой у Сомихаг географийы "Ашхарацуйц" æмæ фыст дзы у куыд "Аш-Тикор". Абайты В.-мæ гæсгæ ныхас Дигор дæр кавказаг топонимæй цæуы æмæ йæ уидæг Диг рæвзæрдис кæсгон адæмы этнонимæй — Адыгэ.

Ирæтты этноним æндæр æвзæгтыл

Æндæр æвзæгтæй фылдæрыл ирæтты хонынц «осетины», «ossetians». Уый рацыди, «ოსეთი», зæгъгæ, уыцы гуырдзиаг дзырдæй [osetʰi]. Гуырдзиаг "осети" та цæуы уидыгæй "ос" кæнæ "ас", афтæ алайнагты ходтой сæ сыхæг адæмыхаттæй бирæтæ. Уымæй дæр цæуы рагон уырыссаг азгайфыстытæй ныхас "яс", монгойлаг ныхас "ас" (кæс асуд дæр) æмæ æндæртæ. Нырыккон ирон æвзаджы ацы уидыг баззадис куыд балхъайраг адæмы æндæр ном, æссон. Æвæццагæн афтæ у уый тыххæй, æмæ нырыккон Балхъары территорийы раджы цæрдысты ирон знæмтæ, балхъайрæгтæ та сæ уырдыгæй æддæмæ ассыдтой, фæлæ сæ ном ацы территоримæ баст баззадис.

абх. ауаҧс
гуырдз. ოსები (osebi)
сар. სავიარ (saviar)
мæхъхъ. æмæ цæц. хӀирий
сол. гьириял
сом. օսեր (oser)
адыгъ. къущхьэхэр
хъæр.-балхъ. тегейлиле

Кæм цæрынц

Цæрджыты æппæтуæрæсейаг сфыстмæ гæсгæ (2010), Уæрæсейы цæрынц 528 мин ироны. Уæлдайдæр бирæ сты ацы регионты:

Цæгат Ирыстон — ▲ 459,7 мин (2010 азы)
Мæскуы — ▲ 11,3 мин (2010)
Кæсæг-Балхъар — ▼ 9,8 мин (2010)
Стъараполы край — ▲ 8,0 мин (2010)
Краснодары край — 4,1 мин (2002)
Хъæрæсе-Черкес — ▼ 3,1 мин (2010)
Бетъырбух — 2,8 мин (2002)
Ростовы облæст — 2,6 мин (2002)
Мæскуыйы облæст — 2,4 мин (2002)

Хуссар Ирыстоны цæрджытæй фылдæр хай сты ирæттæ.

Гуырдзыстоны 2002-æм азы сфыстмæ гæсгæ цардысты 38 мины бæрц ирæттæ.

Турчы цæрынц 20-36 мин ироны — XIX æнусы Османты империмæ чи ралыгъдысты, уыцы пысылмон ирæтты байзæддæгтæ.

Ирон диаспорæтæ ма ис Францы, Канадæйы (Торонто), АИШ-ы.

Венгрийы XIII æнусæй цæрынц ясаг адæм, сæ равзæрдмæ гæсгæ сты ирон. Кæд се ’ппæт дæр нал дзурынц иронау, уыдоны ’хсæн рæзы национ хиæмбарынад, æмæ фидар кæнынц Ирыстонимæ бастдзинæдтæ.

Галерей

Хетæгкаты Къоста
Чызг ирон дарæсы (1883)
Ирон сылгоймæгтæ (XIX æнус)
Ирон лæг Цæгат Кавказы, XVIII æнусы дарæсы (XIX æнус)
Чызг ирон дарæсы. XX æнусы райдианы конд къам
Ирон лæгтæ
Едысы ныхас
Ирон лæг (Хъобан, 1881)
Дудараты чызджытæ
Ирæттæ Нузалы
Ирон ахуыргæнджытæ

Кæс ноджы

Фиппаинæгтæ

Ацы уац ирон темæйыл къæртт у, ома æрдæгцæттæ.
Википедийæн баххуыс кæн æмæ ацы уац раст æмæ стырдæр скæн.

This article uses material from the Wikipedia Иронау article Ирон адæм, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Текст у сæрибарCreative Commons Attribution/Share-Alike License лицензимæ гæсгæ; гæнæн ис æндæр æм ис. Бæстондæр бакæс Пайда гæныны домæнтæ. Википеди у Викимеди фондыон регистраци гонд нысан. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Иронау (DUHOCTRUNGQUOC.VN) is an independent company and has no affiliation with Wiki Foundation.