ନଈ ସେପାରୀ କନକ ଗୋରୀ, ୨୦୧୩ରେ ମୁକ୍ତିଲାଭ କରିଥିବା ଏକ ଓଡ଼ିଆ କଥାଚିତ୍ର । ଏହି କଥାଚିତ୍ରଟିର ପ୍ରଯୋଜନା କରିଥିଲେ ଅଜୟ ମହାନ୍ତି । ଅନନ୍ୟା ଚଳଚ୍ଚିତ୍ର ପ୍ରଯୋଜନା ସଂସ୍ଥା ଅଧିନରେ ଏହି ଚଳଚ୍ଚିତ୍ରଟିର ନିର୍ମାଣ କରାଯାଇଥିଲା । ଏହି କଥାଚିତ୍ରଟିର କାହାଣୀ ରଚନା କରିଥିଲେ ଅଜୟ ମହାନ୍ତି ଏବଂ ସଂଳାପ ରଚନା କରିଥିଲେ ଦେବ ପ୍ରସାଦ ଦାସ । ପଙ୍କଜ ପାଢ଼ୀ ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ।
ନଈ ସେପାରୀ କନକ ଗୋରୀ | |
---|---|
ନିର୍ଦ୍ଦେଶକ | ପଙ୍କଜ ପାଢ଼ୀ |
ପ୍ରଯୋଜକ | ଅଜୟ ମହାନ୍ତି |
ସଂଳାପ | ଦେବ ପ୍ରସାଦ ଦାସ |
କାହାଣୀ | ଅଜୟ ମହାନ୍ତି |
କଳାକାର | ପାର୍ଥ ସାରଥୀ ରାୟ, ରାଲି ନନ୍ଦ, ରୋଜି, ମିହିର ଦାସ, ଅପରାଜିତା ମହାନ୍ତି, ଦେବୁ ବୋଷ, ଜୟୀରାମ ସାମଲ |
ସଙ୍ଗୀତ | ମହେନ୍ଦ୍ର ଆଚାର୍ଯ୍ୟ, ଅଜୟ ମହାନ୍ତି |
ଚିତ୍ରଗ୍ରହଣ | ଗାଗାରିନ ମିଶ୍ର |
ସମ୍ପାଦକ | ମାନସ ରଞ୍ଜନ ପାତ୍ର |
ମୁକ୍ତିଲାଭ ତାରିଖ | ୧ ମାର୍ଚ୍ଚ ୨୦୧୩ |
ଦେଶ | ଭାରତ |
ଭାଷା | ଓଡ଼ିଆ |
ଏହି ଚଳଚ୍ଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ପାର୍ଥ ସାରଥୀ ରାୟ ଏବଂ ରାଲି ନନ୍ଦ । ମିହିର ଦାସ, ଅପରାଜିତା ମହାନ୍ତି, ମୀନକେତନ, ସମରେଶ ରାଉତରାୟ, ଦେବୁ ବୋଷ, ଜୟୀରାମ ସାମଲ, ପ୍ରୀତିରାଜ ଶତପଥୀ ଆଦି କଳାକାରମାନେ ଚଳଚ୍ଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।
ଏହି ଚଳଚ୍ଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ ମହେନ୍ଦ୍ର ଆଚାର୍ଯ୍ୟ ଏବଂ ଅଜୟ ମହାନ୍ତି । ସଚ୍ଚି ମହାନ୍ତି, ବିଜୟ ମଲ୍ଲ, ମହେନ୍ଦ୍ର ଆଚାର୍ଯ୍ୟ, ରାଜା ଅର୍ଦ୍ଧେନ୍ଦୁ ଶେଖର ମହାନ୍ତି, ଗୀତା ଖୁଣ୍ଟିଆ ଆଦି ଗୀତିକାରମାନେ ଚଳଚ୍ଚିତ୍ରଟିର ଗୀତ ରଚନା କରିଥିଲେ । ତୃପ୍ତି ଦାସ, ଶ୍ରୀକାନ୍ତ ଦାସ, ତପୁ ମିଶ୍ର, ପମି, ଅରବିନ୍ଦ, ଚିତ୍ରବନ୍ଧୁ ମହାନ୍ତି, ଅଜୟ ମହାନ୍ତି, ମହେନ୍ଦ୍ର ଆଚାର୍ଯ୍ୟ ଆଦି କଣ୍ଠଶିଳ୍ପୀମାନେ ଏହି କଥାଚିତ୍ରଟିରେ କଣ୍ଠଦାନ କରିଥିଲେ ।
ଗୀତ | ରଚନା | କଣ୍ଠଦାନ |
---|---|---|
ଆଗେ ଦେଖ ପିଛେ ଦେଖ | ||
ରାଧାମାଧବ ଘେନ ପ୍ରଣତି ମୋର | ||
ମୋ ମନ ଭିତରେ ତୁ | ||
ଯାହାକୁ ପଚାର | ||
କଟକୁ ଆଇଚି କଟକ ବାବୁ | ||
ଆଲୋ ମୋ ଲାଲପରି |
ରାଜ୍ୟ ସଂସ୍କୃତି ବିଭାଗ ପକ୍ଷରୁ ପ୍ରଦାନ କରାଯାଉଥିବା ୨୪ତମ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଁ ଶ୍ରେଷ୍ଠ ଚିତ୍ର ଗ୍ରହଣ (ପ୍ରମୋଦ ପତି ସମ୍ମାନ) ‘ନଈ ସେପାରୀ କନକ ଗୋରୀ’ର ଚିତ୍ରଗ୍ରହଣକାରୀ ଗାଗାରିନ ମିଶ୍ରଙ୍କୁ ମିଳିଥିଲା, ଶ୍ରେଷ୍ଠ ଗୀତିକାର ପୁରସ୍କାର ବିଜୟ ମଲ୍ଲଙ୍କୁ ମିଳିଥିଲା ଏବଂ ଶ୍ରେଷ୍ଠ ଶବ୍ଦଗ୍ରହଣକାରୀ ପୁରସ୍କାର ମଧ୍ୟ ଏହି ଚଳଚ୍ଚିତ୍ର ପ୍ରାପ୍ତ କରିଥିଲା ।
This article uses material from the Wikipedia ଓଡ଼ିଆ article ନଈ ସେପାରୀ କନକ ଗୋରୀ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.