అంతర్జాతీయ వికలాంగుల దినోత్సవం

రాజకీయ, సామాజిక, ఆర్థిక, సాంస్కృతిక పరంగా వికలాంగులు ఎదుగుదలను ప్రోత్సహించేలా ఈ దినోత్సవం ప్రయత్నిస్తుంది.

అంతర్జాతీయ వికలాంగుల దినోత్సవం
వికలాంగ దినోత్సవ పతాకం
యితర పేర్లు	వికలాంగుల దినోత్సవం
జరుపుకొనేవారు	ఐక్యరాజ్యసమితి సభ్య దేశాలు
జరుపుకొనే రోజు	డిసెంబరు 3
ఆవృత్తి	వార్షిక
అనుకూలనం	ప్రతి ఏటా ఇదే రోజు

వికలాంగుల సమస్యలను పరిష్కరించి వారికి ఆసరానిచ్చి, వారు గౌరవంగా జీవిస్తూ సాధారణ జనజీవనంలో భాగమై అన్ని హక్కులు పొందేలా చూడడంకోసం 1992లో ఐక్యరాజ్య సమితి ఆధ్వర్యంలో ఈ దినోత్సవం మొదలై,1998 నుండి ప్రతి సంవత్సరం వికాలాంగులకు సంబంధించిన ఒక అంశంతో అన్ని దేశాలు ఈ దినోత్సవాన్ని జరుపుకుంటున్నాయి.

అంతర్జాతీయ వికలాంగుల సంవత్సరం

వికలాంగులకు సమాన అవకాశాలు, హక్కులు కలిపించి వారందరిని సమాజ అభివృద్ధిలో భాగం చేయాలనే లక్ష్యంతో 1976లో ఐక్యరాజ్య సమితి 1981 సంవత్సరాన్ని అంతర్జాతీయ వికలాంగుల సంవత్సరం గా ప్రకటించింది. అలాగే, 1983 నుండి 1992 వరకు ఐక్యరాజ్య సమితి వికలాంగుల దశాబ్దంగా ప్రకటించింది.

1. ఈ దినోత్సవం రోజున ప్రపంచవ్యాప్తంగా అవగాహన కార్యక్రమాలు నిర్వహించబడుతాయి. కాలిబర్‌, వినికిడి యంత్రాలు, ట్రై సైకిళ్లు వంటివి బహుకరిస్తారు.
2. వివిధ పాఠశాలలోని వికలాంగ విద్యార్థలకు పిల్లలకు ప్లేట్లు, టిఫిన్‌ బాక్సులు, వాటర్‌ బాటిళ్లు... భవిత కేంద్రంలోని చిన్నారులకు బిస్కెట్లు, క్రీడా సామగ్రిని అందజేస్తారు.
3. వివిధ పోటీలను నిర్వహించి విజేతలకు బహుమతులు అందిస్తారు.