මයික්රොසොෆ්ට් වින්ඩෝස් යනු චිත්රක පරිශීලික අතුරුමුහුණත් වර්ගීකරණයට අයත් මෙහෙයුම් පද්ධති පරම්පරාවකි.
විශේෂයෙන් මුල දී IBM PC මාදිලියේ පරිගණක සමඟ ක්රියා කළ හැකි මෙහෙයුම් පද්ධති කාණ්ඩයක් ලෙස නිර්මාණය කරන ලැබූ අතර, පසුව විවිධ උපාංග තුළ ක්රියාත්මක කිරීමට හැකිවන ආකාරයට මයික්රොසොෆ්ට් වින්ඩෝස් මෙහෙයුම් පද්ධති වැඩිදියුණු කරන ලදී. වර්තමානයේ සක්රීය තත්ත්වයේ ඇති වින්ඩෝස් මෙහෙයුම් පද්ධති පවුලේ සාමාජිකයන් වන්නේ Windows NT හා Windows Embedded සංස්කරණයන් වන අතර, එහි උප සාමාජික මෙහෙයුම් පද්ධති ලෙස Windows Embedded Compact (Windows CE) හා Windows Server ලෙස සංස්කරණ පවතී.
Wiki සිංහල | |
විකාශකයා | මයික්රොසොෆ්ට් |
---|---|
ලියන ලද්දේ | C, C++ සහ රැස්කිරීම් භාෂාව |
OS පවුල | වින්ඩෝස් 9x, වින්ඩෝස් CE සහ වින්ඩෝස් NT |
Working state | පොදුවේ නිකුත් කරන ලදී |
මූලාශ්ර ආකෘතිය | නිමවූ මූලාශ්ර / බෙදනලද මූලාශ්ර |
Initial release | නොවැම්බර් 20, 1985වින්ඩෝස් 1.0) | (as
අලෙවිකරණ ඉලක්කය | පුද්ගලික පරිගණකකරණය |
ලබා ගත හැක්කේ | බහු භාෂා |
Update method | වින්ඩෝස් නවීකරණය |
Platforms | ARM, IA-32, x86-64, DEC Alpha, MIPS, PowerPC, Itanium |
Kernel type | දෙමුහුන් |
Default user interface | චිත්රකරූපී (වින්ඩෝස් ගවේශකය) |
License | හිමිකාර වාණිජ මෘදුකාංග |
Official website | windows.microsoft.com |
මයික්රොසොෆ්ට් සමාගම ඔවුන්ගේ විධාන පේළි අතුරුමුහුණත් මෙහෙයුම් පද්ධතිය වන MS-DOS හි නව වැඩිදියුණු කිරීමක් ලෙස සිය ප්රථම චිත්රක පරිශිලික අතුරුමුහුණතක් සහිත මෙහෙයුම් පද්ධතිය 'Windows' යන නාමයෙන් 1985 වසරේ නොවැම්බර් මස 20 දා නිකුත් කරන ලදී. පසුකාලීනව මයික්රොසොෆ්ට් වින්ඩෝස් මෙහෙයුම් පද්ධති ලෝක වැඩතල (desktop) පරිගණක වෙළඳපොළ කොටස්වලින් 90% කට වැඩි ප්රමාණයක් අත්පත් කර ගන්නා ලදී. ඒ 1984 දී Apple Inc. සමාගම විසින් නිර්මිත Mac OS මෙහෙයුම් පද්ධතිය අත්පත් කර ගත් වෙළදපොළ කොටස් ප්රමාණයද අභිභවිමිනි.
මයික්රොසොෆ්ට් වින්ඩෝස් හි නවතම සංස්කරණය වනුයේ ටැබ්ලට් පරිගණක, ස්මාට් ජංගම දුරකථන හා නිහිත පද්ධති (Embeded Systems) ඉලක්ක කරමින් 2015 ජූලි මාසයේ දී නිකුත් කරන ලද වින්ඩෝස් 10 සංස්කරණයයි.
අලෙවිකරණය
මයික්රොසොෆ්ට් සමාගම සතුව වින්ඩෝස් මෙහෙයුම් පද්ධතිය නියෝජනය කරන ලියාපදිංචි කළ වෙළද සන්නාම කිහිපයක් පවතී. එම එක් එක් සන්නාම පරිගණක කේෂ්ත්රයේ එක් එක් අංශයක් සඳහා ක්රියාත්මක වීමට විශේෂයෙන් සකසා ඇති අතර, 2014 වසර වන විට පහත නම් වලින් වින්ඩෝස් මෙහෙයුම් පද්ධතියේ සාමාජිකයින් සම්බන්ධයෙන් මයික්රොසොෆ්ට් සමාගම විසින් වැඩිදියුණුකිරීම් කටයුතු සිදුකරයි.
මයික්රොසොෆ්ට් වින්ඩෝස් හි ඉතිහාසය 1981 සැප්තැම්බර් මස වන තෙක් දිගහැරේ. චේස් බිෂොප් (Chase Bishop) නම් පරිගණක විද්යාඥයා විසින් ඉලෙක්ට්රොනික උපාංගයක් සඳහා අතුරුමුහුණත් කළමනාකරණ (Interface Manager) ආකෘතියක් නිර්මාණය කිරීමට මුල පුරන ලදී. ඒ අනුව 1983 නොවැම්බර් මස (ඇපල් ලීසා [Apple Lisa] පරිගණකය හදුන්වාදීමෙන් පසු හා Macintosh පරිගණකය හදුන්වාදීමට පෙර අතර කාලය තුළ) මෙම අතුරුමුහුණත් කළමනාකරණ ආකෘතිය 'Windows' යන නාමය යටතේ හදුන්වාදෙන ලදී. නමුත් වින්ඩෝස් 1.0 (Windows 1.0) 1985 නොවැම්බර් මාසය වන තෙක් නිකුත් නොකරන ලදී. වින්ඩෝස් 1.0, Apple සමාගමේ මෙහෙයුම් පද්ධතිය සේම සාර්ථක වුවද එය එතරම් ජනයා අතර ප්රචලිත නොවීය. වින්ඩෝස් 1.0 පරිපුර්ණ මෙහෙයුම් පද්ධතියක් නොවීය. එය MS-DOS හි වැඩිදියුණු කළ දිගුවක් විය. වින්ඩෝස් 1.0 හි අතුරුමුහුණත් වැඩසටහන 'MS-DOS Executive' ලෙස හැදින්වූ අතර, විශේෂාංග ලෙස Calculator, Calendar, Cardfile, Clipboard viewer, Clock, Control Panel, Notepad, Paint, Terminal, Write හා Reversi පරිගණක ක්රීඩාව ඇතුලත් විය.
වින්ඩෝස් 1.0 හිදී කවුළු (windows) එක මත එක දර්ශනය වන ආකාරයට පෙන්නුම් නොකරන අතර, ඒවා ඵලක ආකාරයට (tiles) කවුළු දර්ශනය වේ.
වින්ඩෝස් 2.0 (Windows 2.0) 1987 දෙසැම්බර් මස නිකුත් කරන ලද අතර, එය පෙර මෙහෙයුම් පද්ධතියට වැඩ බෙහෙවින් ජනප්රිය විය. මෙම නිකුතුව පරිශීලක අතුරුමුහුණතේ තවත් වැඩිදියුණු කිරීම් වලින් හා පරිගණක මතක කළමනාකරණ හැකියාවෙන්ද යුක්ත විය. වින්ඩෝස් 2.03 (Windows 2.03) සංස්කරණය කවුළු එක මත එක දිස්වන සේ දර්ශනය කිරීමට හැකියාවෙන් යුතුව නිකුත් කළ අතර එම නවීකරණය හේතුවෙන් Apple සමාගම මයික්රොසොෆ්ට් සමාගමට එරෙහිව නීතිමය ක්රියාමාර්ග ගන්න ලදී. ඒ ප්රකාශන හිමිකම් අයිතීන් මයික්රොසොෆ්ට් සමාගම විසින් උල්ලංඝනය කරන ලද්දේ යැයි සලකමිනි. වින්ඩෝස් 2.0 හිදී වැඩිදියුණු කළ යතුරුපුවරු කෙටිමං (Keyboard Shortcuts) හා ප්රසාරිත මතකයන් (Expanded Memory) භාවිත කිරීමේ හැකියාව ලබාදුනි.
වින්ඩෝස් 2.1 නිකුතුව සංස්කරණ දෙකකින් වෙළදපොලට නිකුත්කරන ලදී. ඒ 'වින්ඩෝස්/286' (Windows/286) හා 'වින්ඩෝස්/386' (Windows/386) ලෙසය. Windows/286 සංස්කරණය ඉන්ටෙල් 80386 (Intel 80386) සඳහා නිර්මාණය කල අතත්ය (Virtualization) යෙදවුමක් (Virtual 8086 mode) වූ අතර Windows/286 සංස්කරණය ඉන්ටෙල් 8086 (Intel 8086) හා ඉන්ටෙල් 80286 (Intel 80286) ක්ෂුද්ර සකසන තුළ ක්රියාකිරීම සඳහා නිර්මාණය කර ඇත.
මීට අමතරව පූර්ණ වින්ඩෝස් පැකේජයන්ට අමතරව තෙවන-පාර්ශව විසින් නිකුත් කළ ධාවන කාලයදී ක්රියා කිරීමට සැකසු වින්ඩෝස් සංස්කරණයන් ද පෙර වින්ඩෝස් මෘදුකාංග සමඟ බෙදාහරින ලද අතර ඒ නිසා එම වින්ඩෝස් මෘදුකාංග සම්පුර්ණ වින්ඩෝස් විශේෂාංග කට්ටලය රහිතව වුවත් 'MS-DOS' පද්ධතිය තුළදී ක්රියාත්මකවීමට අවස්ථාව ලැබිණි.
මුල් වින්ඩෝස් සංස්කරණ බොහෝ තැන්වලදී මෙහෙයුම් පද්ධතියකට වඩා එය චිත්රක කවචයක් (graphical shell) ලෙස හදුන්වනු ලබයි. ඒ MS-DOS පද්ධතිය මත ක්රියාකරන්නක් වූ බැවිණි. කෙසේවෙතත් ක්රියාකරවිය හැකි ගොනු ආකෘති (executable file format) ඇතුලත් වීම මෙන්ම යතුරුපුවරුව, මූසිකය, මුද්රණ යන්ත්ර, චිත්රණ, ශබ්ද හා ටයිමර (timer) වැනි උපාංග සඳහා ක්රියාත්මක කිරීමට අවශ්ය ධාවක (device drivers) සැපයීමට ඇති හැකියාව වැනි කරුණු නිසා මෙහෙයුම් පද්ධතියක් ලෙස සලකනු ලබයි. තවද MS-DOS පද්ධතිය සතු නොවන බහුකාර්ය ලෙස චිත්රක යෙදවුම් ක්රියාත්මක කරවීමේ හැකියාව පවතී.
නිකුත් කිරීම් කාල රේඛාව | ||||
---|---|---|---|---|
නිකුත්වු දිනය | නිපැයුමේ නම | වර්තමාන සංස්කරණය / තැනීම | Notes | Last IE |
November 1985 | වින්ඩෝස් 1.01 | 1.01 | Unsupported | — |
November 1987 | වින්ඩෝස් 2.03 | 2.03 | Unsupported | — |
May 1988 | වින්ඩෝස් 2.10 | 2.10 | Unsupported | — |
March 1989 | වින්ඩෝස් 2.11 | 2.11 | Unsupported | — |
May 1990 | වින්ඩෝස් 3.0 | 3.0 | Unsupported | — |
March 1992 | වින්ඩෝස් 3.1x | 3.1 | Unsupported | 5 |
October 1992 | වින්ඩෝස් For Workgroups 3.1 | 3.1 | Unsupported | 5 |
July 1993 | වින්ඩෝස් NT 3.1 | NT 3.1 | Unsupported | 5 |
December 1993 | වින්ඩෝස් For Workgroups 3.11 | 3.11 | Unsupported | 5 |
January 1994 | වින්ඩෝස් 3.2 (released in Simplified Chinese only) | 3.2 | Unsupported | 5 |
September 1994 | වින්ඩෝස් NT 3.5 | NT 3.5 | Unsupported | 5 |
May 1995 | වින්ඩෝස් NT 3.51 | NT 3.51 | Unsupported | 5 |
August 1995 | වින්ඩෝස් 95 | 4.0.950 | Unsupported | 5.5 |
July 1996 | වින්ඩෝස් NT 4.0 | NT 4.0.1381 | Unsupported | 6 |
June 1998 | වින්ඩෝස් 98 | 4.10.1998 | Unsupported | 6 |
May 1999 | වින්ඩෝස් 98 SE | 4.10.2222 | Unsupported | 6 |
February 2000 | වින්ඩෝස් 2000 | NT 5.0.2195 | Unsupported | 6 |
September 2000 | වින්ඩෝස් Me | 4.90.3000 | Unsupported | 6 |
October 2001 | වින්ඩෝස් එක්ස්පී | NT 5.1.2600 | Extended Support for SP3 until April 8, 2014. (RTM, SP1 and SP2 unsupported). | 8 |
March 2003 | වින්ඩෝස් එක්ස්පී 64-bit Edition (IA-64) | NT 5.2.3790 | Unsupported | 6 |
April 2003 | වින්ඩෝස් Server 2003 | NT 5.2.3790 | Extended Support for SP2 until July 14, 2015. (RTM and SP1 unsupported). | 8 |
April 2005 | වින්ඩෝස් එක්ස්පී Professional x64 Edition | NT 5.2.3790 | Extended Support for SP2 until April 8, 2014. (RTM and SP1 unsupported). | 8 |
July 2006 | වින්ඩෝස් Fundamentals for Legacy PCs | NT 5.1.2600 | Current | 8 |
November 2006 (volume licensing) January 2007 (retail) | වින්ඩෝස් විස්ටා | NT 6.0.6002 | Current (RTM unsupported). Version changed to NT 6.0.6001 with SP1 (February 4, 2008) and to NT 6.0.6002 with SP2 (April 28, 2009). | 9 |
July 2007 | වින්ඩෝස් Home Server | NT 5.2.4500 | Current | 8 |
February 2008 | වින්ඩෝස් Server 2008 | NT 6.0.6002 | Current Version changed to NT 6.0.6002 with SP2 (April 28, 2009). | 9 |
October 2009 | වින්ඩෝස් 7 and වින්ඩෝස් Server 2008 R2 | NT 6.1.7601 | Current Version changed to NT 6.1.7601 with SP1 (February 9, 2011) | 9 |
මූලාශ්රය | Net Market Share | W3Counter | Global Stats | StatOwl | W3Schools |
---|---|---|---|---|---|
දිනය | පෙබරවාරි 2011 | පෙබරවාරි 2011 | පෙබරවාරි 2011 | පෙබරවාරි 2011 | පෙබරවාරි 2011 |
සියලුම සංස්කරණ | 89.68% | 83.63% | 91.53% | 86.93% | 85.9% |
වින්ඩෝස් එක්ස්පී | 55.09% | 41.47% | 48% | 40.89% | 44.2% |
වින්ඩෝස් 7 | 23.08% | 28.27% | 29.12% | 26.73% | 32.2% |
වින්ඩෝස් විස්ටා | 11.01% | 13.52% | 14.41% | 17.91% | 8.3% |
වින්ඩෝස් සර්වර් 2003 | — | 0.19% | — | 1.17% | 1% |
වින්ඩෝස් 2000 | 0.26% | 0.18% | — | 0.23% | 0.2% |
වින්ඩෝස් NT | 0.19% | — | — | — | — |
වින්ඩෝස් 98 | 0.03% | — | — | — | — |
වින්ඩෝස් CE | 0.02% | — | — | — | — |
This article uses material from the Wikipedia සිංහල article මයික්රොසොෆ්ට් වින්ඩෝස්, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.