ᱵᱟᱦᱟ
ᱵᱟᱦᱟ ᱫᱚ ᱟᱹᱰᱤ ᱞᱟᱹᱵᱤᱫ, ᱵᱷᱮᱜᱟᱨ ᱵᱷᱮᱜᱟᱨ ᱨᱚᱝ ᱨᱮᱭᱟᱜ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱥᱚ ᱨᱮᱭᱟᱜ ᱢᱮᱱᱟᱜᱼᱟ᱾ ᱟᱹᱰᱤ ᱜᱟᱱ ᱡᱟᱜᱟ ᱨᱮ ᱵᱟᱦᱟ ᱵᱮᱣᱦᱟᱨᱚᱜᱼᱟ ᱡᱮᱢᱚᱱ ᱡᱟᱱᱟᱢ ᱫᱤᱱ ᱢᱟᱱᱟᱣ ᱨᱮ, ᱵᱟᱦᱟ ᱵᱚᱸᱜᱟ ᱡᱷᱚᱜ, ᱢᱤᱫᱩᱱ ᱮᱢᱟᱱ ᱠᱚᱨᱮ ᱯᱮᱲᱟ ᱟᱛᱟᱝ ᱫᱟᱨᱟᱢ ᱡᱷᱚᱜ᱾
ᱵᱟᱦᱟ ᱵᱟᱪᱷᱟᱣ
ᱵᱟᱦᱟ ᱜᱚᱫ ᱡᱚᱠᱷᱮᱡ ᱨᱟᱪᱟᱜ ᱟᱛᱮ ᱫᱤᱥᱟᱹ ᱚᱨ ᱟᱛᱮ ᱫᱚ ᱵᱟᱦᱟ ᱵᱟᱠᱚ ᱜᱚᱫᱟ᱾ ᱵᱟᱦᱟ ᱫᱚ ᱮᱸᱜᱟ ᱠᱟᱹᱴᱩᱵ, ᱛᱟᱞᱟ ᱠᱟᱹᱴᱩᱵ ᱟᱨ ᱩᱫᱩᱜ ᱠᱟᱹᱴᱩᱵ ᱛᱮ ᱟᱹᱰᱤ ᱡᱚᱛᱚᱱ ᱛᱮ ᱜᱚᱫ ᱞᱟᱹᱠᱛᱤ᱾ ᱟᱨ ᱠᱩᱥᱤ ᱢᱚᱱ ᱛᱮ ᱵᱟᱦᱟ ᱜᱚᱫ ᱞᱟᱹᱠᱛᱤ᱾ ᱮᱴᱟᱜ ᱦᱚᱲᱟᱜ ᱵᱟᱲᱜᱮ ᱠᱷᱚᱱ ᱵᱟᱦᱟ ᱠᱩᱢᱵᱽᱲᱩ ᱠᱟᱛᱮ ᱜᱚᱥᱟᱸᱭ ᱮᱢᱟ ᱠᱚ ᱠᱷᱟᱱ ᱵᱚᱦᱚᱨ ᱵᱟᱭ ᱧᱟᱢᱚᱜᱼᱟ᱾
ᱢᱟᱨᱮ ᱠᱟᱛᱷᱟ
ᱚᱜᱚᱥᱛᱭᱚ ᱢᱩᱱᱤ ᱵᱟᱦᱟ ᱨᱮᱭᱟᱜ ᱯᱚᱨᱠᱟᱨ ᱵᱷᱮᱫᱽ ᱵᱟᱵᱚᱫᱽ ᱛᱮ ᱫᱟᱢᱟᱱ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ᱾ ᱱᱚᱶᱟ ᱡᱮᱫᱮᱛ ᱨᱮ ᱓᱘ ᱥᱟᱥᱟᱭ ᱞᱮᱠᱟᱱ ᱵᱟᱦᱟ ᱢᱮᱱᱟᱜᱼᱟ᱾ ᱚᱱᱟ ᱠᱷᱚᱱ ᱒᱐ ᱥᱟᱥᱟᱭ ᱞᱮᱠᱟᱱ ᱫᱚ ᱵᱚᱸᱜᱟ ᱞᱟᱹᱜᱤᱫ, ᱥᱤᱫᱷᱚ ᱠᱚ ᱞᱟᱹᱜᱤᱫ ᱑᱑ ᱦᱟᱡᱟᱨ ᱠᱚᱨᱚᱲ ᱟᱨ ᱥᱟᱨᱮᱡ ᱕ ᱦᱟᱡᱟᱨ ᱠᱚᱨᱚᱲ ᱫᱚ ᱨᱟᱱ ᱞᱟᱹᱜᱤᱫ ᱫᱚᱦᱚ ᱟᱠᱟᱱᱟ᱾ ᱚᱥᱩᱨ ᱠᱚ ᱟᱠᱚᱣᱟᱜ ᱵᱮᱵᱷᱟᱨ ᱞᱟᱹᱜᱤᱫ ᱑ ᱦᱟᱡᱟᱨ ᱠᱚᱨᱚᱲ ᱠᱚ ᱨᱮᱡ ᱤᱫᱤᱭᱟᱱᱟ᱾ ᱢᱟᱱᱣᱟ ᱠᱚ ᱑ ᱦᱟᱡᱟᱨ ᱠᱚᱨᱚᱲ ᱵᱟᱦᱟ ᱵᱟᱵᱚᱫ ᱛᱮ ᱥᱚᱪᱮᱛᱚᱱ ᱠᱚ ᱛᱟᱦᱮᱸ ᱭᱮᱱᱟ᱾ ᱮᱱᱨᱮᱦᱚᱸ ᱩᱱᱟᱹᱜ ᱯᱚᱨᱠᱟᱨ ᱵᱟᱦᱟ ᱵᱟᱵᱚᱫᱽ ᱛᱮ ᱢᱟᱹᱱᱢᱤᱭᱟᱜ ᱥᱚᱢᱯᱩᱨᱩᱱ ᱜᱮᱭᱟᱱ ᱵᱟᱹᱱᱩᱜᱼᱟ᱾ ᱵᱟᱦᱟ ᱵᱷᱤᱛᱨᱤ ᱠᱷᱚᱱ ᱡᱚᱛᱚ ᱠᱷᱚᱱ ᱯᱟᱹᱦᱤᱞ ᱵᱟᱦᱟ ᱫᱚ ᱩᱯᱟᱹᱞ ᱵᱟᱦᱟ ᱠᱟᱱᱟ᱾ ᱱᱚᱶᱟ ᱵᱟᱦᱟ ᱠᱷᱚᱱ ᱜᱮ ᱮᱴᱟᱜ ᱵᱟᱦᱟ ᱠᱚ ᱡᱟᱱᱟᱢ ᱟᱠᱟᱱᱟ ᱢᱮᱱᱛᱮ ᱥᱟᱬᱮᱥᱤᱭᱟᱹ ᱠᱚᱠᱚ ᱢᱮᱱᱟ᱾ ᱮᱴᱟᱜ ᱵᱟᱦᱟ ᱠᱚ ᱨᱮᱭᱟᱜ ᱦᱚᱲᱢᱚ ᱟᱨ ᱟᱠᱟᱨ ᱵᱷᱮᱜᱟᱨ ᱮᱱᱟ᱾
ᱛᱤᱱᱟᱹᱜ ᱵᱟᱦᱟ ᱨᱮᱭᱟᱜ ᱜᱩᱱ
ᱠᱟᱜᱚᱡᱽ ᱵᱟᱦᱟ
ᱱᱚᱶᱟ ᱵᱟᱦᱟ ᱚᱲᱟᱜ ᱨᱮᱭᱟᱜ ᱵᱮᱲᱦᱟᱭ ᱛᱮ ᱨᱚᱦᱚᱭ ᱞᱮᱠᱷᱟᱱ ᱚᱲᱟᱜ ᱱᱟᱯᱟᱭ ᱨᱮ ᱛᱟᱦᱮᱸᱱᱟ᱾ ᱡᱟᱦᱟᱸ ᱥᱮᱫ ᱥᱮᱱᱚᱜ ᱡᱚᱛᱷᱮᱡ ᱱᱚᱶᱟ ᱵᱟᱦᱟ ᱤᱫᱤ ᱛᱚᱨᱟ ᱞᱮᱠᱷᱟᱱ ᱵᱮᱜᱷᱚᱴᱚᱱ ᱵᱟᱭ ᱦᱩᱭᱩᱜᱼᱟ᱾
ᱠᱚᱸᱦᱰᱟ ᱵᱟᱦᱟ
ᱫᱟᱹᱠᱷᱤᱱ ᱵᱷᱟᱨᱚᱛ ᱨᱮᱭᱟᱜ ᱨᱟᱭ ᱞᱮᱠᱟᱛᱮ ᱛᱤᱱᱟᱹᱜ ᱜᱟᱱ ᱠᱚᱸᱦᱰᱟ ᱵᱟᱦᱟ ᱛᱟᱞᱟ ᱨᱮ ᱦᱩᱲᱩ ᱵᱟᱦᱟ ᱫᱚᱦᱚ ᱠᱟᱛᱮ ᱰᱤᱥᱮᱢᱵᱚᱨᱼᱡᱟᱱᱩᱣᱟᱨᱤ ᱪᱟᱸᱫᱚ ᱨᱮ ᱜᱩᱨᱤᱡ ᱯᱤᱸᱰᱟ ᱪᱮᱛᱟᱱ ᱨᱮᱠᱚ ᱫᱚᱦᱚᱭᱟ᱾ ᱟᱠᱚᱣᱟᱜ ᱯᱟᱹᱛᱭᱟᱹᱣ ᱱᱚᱝᱠᱟ ᱠᱟᱹᱢᱤ ᱞᱮᱠᱷᱟᱱ ᱚᱲᱟᱜ, ᱟᱹᱛᱩ ᱟᱨ ᱵᱟᱹᱫᱽ ᱨᱮ ᱥᱚᱢᱨᱩᱫᱷᱤ ᱦᱤᱡᱩᱜᱼᱟ᱾
ᱟᱨᱦᱚᱸ ᱧᱮᱞ ᱢᱮ
ᱯᱷᱮᱰᱟᱛ
ᱵᱟᱦᱨᱮ ᱡᱚᱲᱟᱣ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱵᱟᱦᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.