Ermenistan

Հայաստանի Հանրապետություն Hayastani Hanrapetut'yun
Komara Ermenistanê
(Ala) (Nîşan)
Sirûda netewî: Mer Hayrenik
Zimanên fermî	Zimanê ermenî
Zimanên nefermî	Kurmancî
Paytext	Rewan (Êrîvan) 40°11′Bk 44°31′Rh / 40.183°Bk 44.517°Rh / 40.183; 44.517
Bajarê mezin	Êrîvan
Sîstema siyasî	Komar
- Serokomar  - Serokşalyar	Vahagn Khachaturyan (Վահագն Խաչատուրյան) Nîkol Paşînyan (Նիկոլ Փաշինյան)
Rûerd  - Giştî  - Av (%)	29.743 km2 4,71
Gelhe  - Giştî (2021)  - Berbelavî	2.963.900 kes 101.5 kes/km2
Serxwebûn	21ê îlonê 1991 ji YKSS
Dirav	Dram (AMD)
Dem	UTC+4
Nîşana înternetê	.am
Koda telefonê	+374

Ermenistan (Filestan, Armenya û Ermenya jî jê re dibêjin, bi ermenî: Հայաստան, Hayastan) an jî Komara Ermenistanê (bi ermenî: Հայաստանի Հանրապետություն, Hayastani Hanrapetutyun) welatek li başur-rojavaya Ewropayî-Asyayî, di navbera Deryaya Reş û ya Deryaya Qezwînê de ye. Zimanê fermî ermenî ye. Serbajarê Ermenistanê Rewan (Êrîvan) e. Ermenistan cîranê Tirkiye, Îran, Azerbaycan û Gurcistanê ye.

Ermenistan niha endamê zêdetirî 35 rêxistinên navneteweyî ye ku di nav van de Neteweyên Yekbûyî, Konseya Ewropayê, Banka Pêşketinê ya Asyayê, Hevgirtina Dewletên Serbixwe, Rêxistina Bazirganiya Cîhanî û Rêxistina Hevkariya Aborî ya Derya Reş. Ew yek ji endamên Hevkariya ji bo Aştiyê ya Rêxistina Peymana Atlantîka Bakur, û her weha hevalbendiya leşkerî Rêxistina Peymana Ewlekariya Kolektîf (CSTO) ye. Ew di heman demê de endamekî çavdêr ê Civata Aborî ya Avrasyayê, Frankofonî û Tevgera Ne-Peymanan ye.

Li Ermenistanê li gor serjimêra sala 2001ê derdora 45.000 kurd dijîn.

 

Nifûsa Ermenistanê 2,790,974 ye (texmînkirina 2021an).

  Gotara bingehîn: Nîjadkujiya ermeniyan

 

Piraniya ermeniyên diyasporê bi eslê xwe Ermeniyên Kurdistanê ne. Ji ber ku di sala 1915an de, di Şerê Cîhanî yê Yekem re, hîkumdarên tirkî di demên Împeratoriya Osmanî de, Nîjadkujî di kesên bi baweriya Xiristiyanî kirin. Di ve Nîjadkujî tê texmîn kirin ku ji 300,000 hezar heya 1.5 milyon kesên ermenî hatin kuştin û 1 milyon zedetir ermenî koçber bûnê. Gorî peşbîniyan îro 10 milyon heya 17 milyon ermenî di cîhanê heye.

Komên etnîk

 

98,1% ji nifûsa Ermenistanê, ermenî ne, 1,2% kurd in û 0,4% rûs. Hindekariya din wekî kesên ûkraynî, alman, gurcî, tirk, azerî, faris in.

Dîn

Piraniya Ermenistanê bi bawerî Xristiyan in. Hindekariya Êzîdî 1,2% jî nifûsê dikin. Nezîkî 3000 hezar misilman li Ermenistanê dijîn.

Ermenistan ji 11 parêzgehan pêk dihê: