Chilogram

In origjin, il chilogram al jere definît come mil voltis il pês assolût di un volum di aghe pâr al cubul de centesime part di un metri, ae temperadure di fusion de glace, daspò definît come la masse a pression atmosferiche standard di un litri di aghe pure ae temperadure de sô massime densitât. La realizazion pratiche di cheste definizion, però, no jere semplice, ancje parcè che la densitât di un licuit e dipint da la pression, e la pression e dipint de masse: in chest mût si creave une dipendence circolâr te definizion.

Tal 1875 si definì il chilogram come la masse di un cilindri di altece e diametri 39 milimetris componût di une leghe al 90 par cent di platin e dal 10 par cent di iridi. Chest prototip al è conservât tal Bureau International des Poids et Mesures a Sèvres, dongje Paris.