Poan-Benn
Poan-benn a vez graet eus ar boan a santer pe er penn pe er choug.
Kaout poan-benn alies a c'hell degas kudennoù darempredoù, kudennoù koubladoù ha kudennoù gant al labour. Bez' ez eus ivez ur riskl uheloc'h a ziwaskadennoù evit an dud tapet alies gant ar boan-benn.
Ar boan-benn a c'hell dont diwar meur a abeg, grevus pe get : ar skuizhder, an diouer a gousk, ar stres, an implij louzoù pe drammoù dudi, bilimadur ur viruz evel ur sifern, gloazadur ar penn, euvradur bliv boued pe evaj yen, kudennoù dent pe fri...
Meur a zoare renkadur a zo bet savet evit ar poan-benn, an hini anavezetañ o vezañ hini an International Headache Society ("Kevredigezh Etrebroadel ar Boan-benn").
Pennkaozioù
Muioc'h evit 200 doare poan-benn disheñvel a zo bet kavet gant ar skiantourien. Lod a zo dizañjer, padal lod all a laka ar vuhez en arvar. Evit kavout an doare pareañ efedusañ ez eo ret kaout un deskrivadenn resis eus ar poan-benn, furchadennoù neurologel ha, pa vez grevus, arnodoù medisinerezh donoc'h.
Lec'hioù
E Montroulez ez eus un Alez ar Boan-Benn, hag ur skol er straed-se anvet "skol ar Boan-Benn". Ur prioldi a oa eno gwechall, e chapel gouestlet da sant Iverzin, ur sant a oa brudet da bareañ ar boan-benn.
Notennoù
This article uses material from the Wikipedia Brezhoneg article Poan-benn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.