الجمهورية لفيديرالية د ألمانيا (ب لألمانية: بوندس ريپوبليك دويتشلاند - Bundesrepublik Deutschland) هي واحد البلاد جات ف لوسط لغربي د أوروپا.
تيحدّوها من شمال: لبحر د شمال و دانمارك و لبحر د لبلطيق، من لجنوب لوطريش و سويسرا، من الشرق پولونيا و تشيك، و من لغرب فرانسا، ليكسمبورݣ، بلجيكا و هولاندا. ألمانيا هي لبلاد لي فيها أكبر عدد د السكان ف أوروپا.
ألمانيا | ||||
Bundesrepublik Deutschland (de) | ||||
نشيد | national anthem of Germany [[فيشي:|100px]] | |||
لعاصيمة | بيرلين | |||
الساكينة | ||||
شحال دالسكان | 84,358,845 (2022) | |||
السمية ديال السكان | ألماني، ألمانية، ألمانيين, ألمانيات | |||
اللوغات الرسمية | لألمانية | |||
متوسط ديال لعمر | 80.8 (2017) | |||
لجغرافيا | ||||
لميساحة | 357,587.77 كم² | |||
لقمة لعالية | جبل تسوڭسپيتزه (2,962 م) | |||
لبلاصة الطايحة | نويندوف-ساكسين بانده (−3.54 م) | |||
تاريخ | ||||
توارخ مهمة | لقانون لأساسي د جمهورية ألمانيا لقانون د ليحتيلال د ألمانيا سارلاند اتفاقيات روما ليتيفاقية د ليليزي السور د برلين لمعاهدة لأساسية التوحيد لإقتصادي و لمادي و لإجتماعي لمعاهدة اللّخرانية ديال التسوية ف ألمانيا لألعاب لأولمپية د ميونيخ 1972 لمعاودة د الجميع د ألمانيا لحرب د يوڭوسلاڤيا لحرب د أفغانستان | |||
أعياد | راس لعام (1 يناير) الجمعة لمقدس (يوماين قبل پّاك) التنين د پّاك (پّاك + نهار) عيد شغل (1 ماي) لعيد د الطلوع (پّاك + 39 نهار) تنين لپونطكوط (پّاك + 50 نهار) نهار د التوحد د ألمانيا (3 أكتوبر) Christmas Day (25 دجنبر) النهار التاني د نوويل (26 دجنبر) | |||
لإدارة | ||||
نضام الدولة | جمهورية، دولة فيديرالية، جمهورية فيديريالية برلمانية و جمهورية برلمانية | |||
الرئيس د ألمانيا | فرانك-ڤالتر شتاينماير | |||
لمستشار لفيديرالي د ألمانيا | أولاف شولتس | |||
لبرلمان | لبوندسرات | |||
سلطة لقضائية لكبيرة | لمحكمة الدستورية لألمانية | |||
لقتيصاد | ||||
الناتج الداخلي لكامل | 4,121,200,000,000 € (2023) | |||
لبيطالة (شوماج) | 6.1 % (2024) | |||
مؤشر التنمية لبشرية | 0.942 (2021) | |||
لفلوس | أورو | |||
معلومات خرة | ||||
توقيت ديال لبلاد | ڭرينيتش + 1 ڭرينيتش +2 | |||
رمز لبلاد | DE | |||
رمز لانترنيت | .de | |||
رمز التيليفون | +49 | |||
نماري د ليرجونس | 112 و 110 | |||
جيهة د صوڭان | ليمن | |||
السيت الرسمي | deutschland.de |
ألمانيا بلاد عندها تاريخ قديم و دخلات ف بزاف د الدول بحال لإمبراطورية الرومانية. ف لقرن 16، كان شمال د ألمانيا هو لبلاصة لي بدات فيه لإصلاحات ف لمسيحية، و لي خرج منها التيار لپروطيسطانتي. من مورا ما سالات لحرب لعالمية تانية، تقسمات ألمانيا على جوج: ألمانيا لغربية و ألمانيا الشرقية. ف 1957 كانت ألمانيا لغربية من لبلدان لي أسسو لإتحاد لأوروپي. ف 1990 عاود تجمعو ألمانيا لغربية و الشرقية ف بلاد وحدة، و لي هي لجمهورية د ألمانيا.
تايسكنو ف ألمانيا شوية كتر من 83 مليون د الناس، و لعاصمة ديالها هي برلين. لغة رسمية ديال لبلاد هي لألمانية، و لفلوس لي كاتخدّم هي لأورو. نضام د لحكيم ف ألمانيا هو جمهوري فيديرالي، فيه لبلاد مقسومة على 16 فيديرالية، كل وحدا فيهم عندها لحكومة ديالها، و عاد كاينة لحكومة لمركزية ف برلين. ألمانيا عندها أقوى قتيصاد ف ؤروپا و رابع أكبر قتيصاد ف لعالم. لبلاد داخلة ف بزاف د لمنضمات عالمية بحال لأمم لمتحدة و لإتحاد لأوروپي و الناطو و جي 7 و جي 20 و لمنضمة د تعاون و تنمية لإقتصادية.
ألمانيا عندها بزاف د السميات على حساب اللوغة. هادشي جاي من كون ألمانيا وخا بلاد فيها شعب قديم، ماتوحدات ف دولة وحدة تال اللخر د لقرن 19 (من 1871 تحديداً).
كلمة "ألمانيا" براسها كيرجع أصلها ل اللاتينية Alamanni لي كانو مجموعة قبلية جرمانية، و كاتعني ب الجرمانية لقديمة إما "لإنسان لكامل" ؤلا "شلا نواع د الناس" ؤلا "جميع الناس" (لاحض التشابه معا النڭليزية "all man" ؤلا "all men").
ف لألمانية، ألمانيا كاتسمى Deutschland لي كاتركب من deutsch (أصلها من كلمة جرمانية قديمة لي كاتعني "الشعب") ؤ Land يعني بلاد، يعني لكلمة ب لألمانية ف أصلها حرفياً كاتعني "بلاد الشعب". ف الطاليانية كيخدّمو كلمة Tedesco كا موقابيل ديال اللوغة لألمانية، و tedeschii على "لألمانيين" لي عندها نفس لإتيمولوجيا ديال "deutsch".
ف النڭليزية كيخدّمو كلمة Germany لي جات من اللاتينية Germania، و هيّ لكلمة لي طلقها يوليوس قيصر على لأراضي لي جاو شرق واد الراين.
ف لفينلاندية و لإسطونية كيسمّيو ألمانيا Saksa لي جات من السمية د قبايل الساكصونيين الجرمانية.
ف لپولونية و شي لوغات سلاڤية كاتسمى Niemcy لي ف أصلها كاتعني "بكم".
تقدر تزيد شوف بزاف د تّصاور و لمعلومات ديال Germany ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article ألمانيا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.