أرارة

وجاع الراص كايتقسم لوجع سابق اللي كايجي بوحدو بلا حتا سباب، و وجع الراص اللي تالي شي مرضة خرا (توسيخة بفيروس ؤلا بكتيريا، تزعزيعة هوميوسطازية ، التجغام دشي مادة كادير وجع الراص ولا التحياد ديالها، ضربة وزيدوزيد...) .

ضران الراص كايكون خطار وضروري خاص التبيع ديالو فلحالة ديال:

•يلا جا بجهد لبنادم .

•يلا كان صعيب.

•يلا كان ملام معا لعلامي التاليين :

=> نعسانية(بنادم كايحس بالنعاس) ، لمهاوشة ؤالنقصان ديال تاكونصونطريت ( بنادم ماكايبقاش مكونصونطري ).

=> تدݣديݣ ديال لحالة ، سخانة ، الضعفان، النسيان .

=>تزعزيعات شوفية(بنادم مكايبقاش يشوف مزيان).

كاينين لوجاع اللي كايجيو غير هكاك بلا حتاشي سباب وكايتسماو وجاع سابقين ، وكاينين وجاع اللي كايجيو بشلا سبايب وكايتسماو وجاع تاليين.

وجاع سابقين

هاد لوجاع السابقين كايكونو على شكل حلقات مشابهين(كايتعودو بنفس لمانيرة) :

•شقيقة معا ولا بلا ؤورا (ضران الراص ملموم معا دوخة دلقيا، ضوفوبيا، صوتفوبيا، ريحوفوبيا).

•ضران رّاص ديال طانسيو (يلا جا غي بوحدو بلاحتاشي علامة ملامّة)

•وجع عصبي(يلا شاد الضس ديال شي عصب)

•وجع ديال شي عرق فلوجه (ملام معا هبوط ديال الدموع، رعاف دنيف...)

وجاع تاليين

وجع الراص يقدر يكون تالي لشي مرضة ؤلا تزعزيعة خرا بحال :

•سبايب عامّيين(سخانة، تزعزيعة ميطابولية بحال قلة سكار ولا لوكسيجين فالدم،طلعة دطانسيو..)

سبايب توسيخية(جيوبيطة، مينانجيطة..)

•سبايب عرقاوية(دموخراجية،تشريݣة كاروتيدية ...)