ରାୟଗଡ଼ା ସହର ସଂଲଗ୍ନ ତଥା ଝଞ୍ଜାବତୀ ନଦୀ କୂଳ ଏକ ମୁଣ୍ଡିଆ ପାହାଡ(ସ୍ଥାନୀୟ ଅଞ୍ଚଳରେ ଖିନ୍ଖିନା ପାହାଡ ନାମରେ ନାମିତ) ଉପରେ ଏହି ମନ୍ଦିର ଅବସ୍ଥିତ । ଏଠାରେ ହନୁମାନଙ୍କ ସମେତ ଶ୍ରୀରାମ ଲକ୍ଷ୍ମଣ ଓ ସୀତାଙ୍କ ପ୍ରତିମୂର୍ତ୍ତି ମଧ୍ୟ ପୂଜା ପାଉଛନ୍ତି ।
ରାୟଗଡ଼ାସହରର ବସଷ୍ଟାଣ୍ଡରୁ ପ୍ରାୟ ୨ କିମି ଗଲେ ଏହି ମନ୍ଦିରକୁ ଯାଇ ପହଞ୍ଚିହୁଏ । ମନ୍ଦିରଟି ସହରର ଉଚ୍ଚତମ ସ୍ଥାନରେ ଅବସ୍ଥିତ ହୋଇଥିବାରୁ ମନ୍ଦିର ପାଖରୁ ସାରା ସହରର ଦୃଶ୍ୟ ଦେଖିହୁଏ । ମନ୍ଦିରଟିର ଅବସ୍ଥିତି ତଥା ସୌନ୍ଦର୍ଯ୍ୟ ଦୃଷ୍ଟିରୁ ଏହା ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରିପାରିଛି ।
୧୯୮୮ ମସିହା ମାଘମାସ(ଫେବୃଆରୀ) ଶୁକ୍ଳପକ୍ଷ ପଞ୍ଚମୀ ଦିନ ସ୍ଥାନୀୟ ଜନୈକ ବ୍ୟକ୍ତି ଶ୍ରୀ ଶତ୍ରୁଘନ ନାୟକଙ୍କ ପ୍ରଚେଷ୍ଟାରେଏହି ମନ୍ଦିରର ଭିତ୍ତିପ୍ରସ୍ତର ସ୍ଥାପନ ହୋଇଥିଲା । କଥିତ ଅଛି, ସ୍ୱପ୍ନାଦେଶ ପାଇ ସେ ମନ୍ଦିର ପ୍ରତିଷ୍ଠା କରାଇଥିଲେ । ତେବେ ଦୀର୍ଘ ପାଞ୍ଚ ବର୍ଷ ପରେ (ଅର୍ଥାତ୍ ୧.୬.୧୯୯୩ ଦିନ) ମନ୍ଦିର ପ୍ରତିଷ୍ଠା କାର୍ଯ୍ୟ ସମାପନ ହୋଇଥିଲା ।
ପ୍ରତ୍ୟେକ ଦିନ ବାଳଭୋଗରୁ ପୂଜାକାର୍ଯ୍ୟ ଆରମ୍ଭ ହୋଇ ମଧ୍ୟାହ୍ନରେ ଅନ୍ନପ୍ରସାଦ ଭୋଗ, ସନ୍ଧ୍ୟା ଆଳତି, ରାତ୍ରି ଭୋଗ ପରେ ରାତି ୯ରେ ରୀତିନୀତି ସମାପନ ହୋଇଥାଏ । ଏଠରେ ଶ୍ରୀରାମ ନବମୀ, ମେଷ ସଂକ୍ରାନ୍ତି, ହନୁମାନ ଜୟନ୍ତୀ ଆଦି ଉତ୍ସବ ପାଳନ କରାଯାଇଥାଏ । ମନ୍ଦିର ପରିଚାଳନା ନିମିତ୍ତ ୨୦୦୧ ମସିହାରୁ ଏକ କମିଟି ପ୍ରତିଷ୍ଠିତ ।
This article uses material from the Wikipedia ଓଡ଼ିଆ article ବୀର ହନୁମାନ ମନ୍ଦିର, ରାୟଗଡ଼, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.