ସାରିକା ଠାକୁର(ଜନ୍ମ: ୫ ଡିସେମ୍ବର ୧୯୬୦) ଜଣେ ଭାରତୀୟ କଥାଚିତ୍ର ଅଭିନେତ୍ରୀ । ସେ ଅଭିନେତା କମଲ ହାସନଙ୍କୁ ବିବାହ କରିଥିଲେ । ୨୦୦୪ରେ ତାଙ୍କର ବିବାହ ବିଚ୍ଛେଦ ଘଟିବା ପରେ ସେ ମୁମ୍ବାଇରେ ରହୁଛନ୍ତି । ତାଙ୍କ ସହ ତାଙ୍କର ସାନ ଝିଅ ସାରିକା ମଧ୍ୟ ମୁମ୍ବାଇରେ ରହୁଛନ୍ତି ।
ସାରିକା ଠାକୁର | |
---|---|
Born | ସାରିକା ଠାକୁର ୫ ଡିସେମ୍ବର ୧୯୬୦ |
Occupation | ଅଭିନେତ୍ରୀ |
Years active | ୧୯୬୭ - ଏବେଯାଏଁ |
Spouse | କମଲ ହାସନ (m. ୧୯୮୮–ପ୍ରକାଶନରେ ଅସୁବିଧା: ଅଜଣା ଚିହ୍ନ "୨" ।) |
Children | ସୃତି ହାସନ (ଜନ୍ମ ୧୯୮୬) ଅକ୍ଷରା ହାସନ (ଜନ୍ମ ୧୯୯୧) |
ସାରିକା ଠାକରୁ ୫ ଡିସେମ୍ବର ୧୯୬୦ରେ ଦିଲ୍ଲୀରେ ଜନ୍ମଗ୍ରହଣ କରିଥିଲେ । ସେ ଅଧା ମରାଠୀ ଏବଂ ଅଧା ରାଜପୁତ ଥିଲେ । ସାରିକା ଯେବେ ବହୁତ ଛୋଟ ଥିଲେ, ସେତେବେଳେ ତାଙ୍କ ବାପା ତାଙ୍କ ପରିବାର ଛାଡ଼ିକି ଚାଲିଯାଇଥିଲେ । ସମସ୍ତ ପରିବାରର ବୋଝ ଆସିଯାଇଥିଲା ସାରିକାଙ୍କ ଉପରକୁ । ସେଥିପାଇଁ ସେ ବାଧ୍ୟ ହୋଇ କାମ କରିବାକୁ ବାଛି ନେଇଥିଲେ । ସେଥିପାଇଁ ସେ କେବେ ସ୍କୁଲକୁ ଯାଇନାହାନ୍ତି ।
୬୦ ଦଶକର ହିନ୍ଦୀ କଥାଚିତ୍ରରେ ପ୍ରଥମ ଅଭିନୟ ଆରମ୍ଭ କରିଥିଲେ ସାରିକା । ସେ ମାତ୍ର ୪ ବର୍ଷ ବୟସରେ ଜଣେ ଶିଶୁ କଳାକାର ଭାବରେ ଅଭିନୟ ଆରମ୍ଭ କରିଥିଲେ । ସେତେବେଳେ ସାରିକା ଗୋଟିଏ ମାଷ୍ଟର ସରୋଜ ନାମକ ପୁଅ ଭୂମିକାରେ ଅଭିନୟ କରିଥିଲେ । ଶିଶୁକଳାକାର ଭାବରେ ସାରିକାଙ୍କର ପ୍ରସିଦ୍ଧ ଚଳଚ୍ଚିତ୍ର ହେଉଛି ୧୯୬୭ ମସିହାର ଚର୍ଚ୍ଚିତ ଚଳଚ୍ଚିତ୍ର ହମ୍ରାଜ୍ ଯେଉଁଥିରେ ସାରିକା ସାରିକା ବିମିଙ୍କର ଝିଅ ଭାବରେ ଅଭିନୟ କରିଥିଲେ । ସେ ଅନେକ ଶିଶୁ କଳାକାର ଅଭିନୀତ ଚଳଚ୍ଚିତ୍ରରେ ଅଭିନୟ କରିଥିଲେ ।
ପରେ ପରେ ସାରିକା ରାଜଶ୍ରୀ ପ୍ରଡକ୍ସନ୍ରେ ଅଭିନେତା ସଚିନଙ୍କ ସହ ଗୀତ ଗାତା ଚାଲ କଥାଚିତ୍ରରେ ନାୟକା ଭାବରେ ଅଭିନୟ କରିଥିଲେ । ସଚିନଙ୍କ ସହ ସାରିକା ଅନେକ ହିନ୍ଦୀ ଏବଂ ମରାଠୀ ଚଳଚ୍ଚିତ୍ରରେ ଅଭିନୟ କରିଥିଲେ । ସଚିନଙ୍କ ସହ ସାରିକାଙ୍କର ସମ୍ପର୍କ ଗଢ଼ି ଉଠିଥିଲା, ଏହା ପରେ ଅଭିନେତା ତଥା ମଡେଲ ଦୀପକ ପରାସରଙ୍କ ସହ ମଧ୍ୟ ସମ୍ପର୍କ ଗଢ଼ି ଉଠିଥିଲା । ପରେ ସାରିକାଙ୍କର କମଲ ହାସନଙ୍କ ସହ ଭେଟ ହୋଇଥିଲା ଏବଂ ସେମାନଙ୍କର ବିବାହ ହୋଇଥିଲା ୧୯୮୮ ମସିହାରେ ।
ସାରିକା ୮୦ ଦଶକର ଅଭିନୟ ଜୀବନରେ ଜଣେ ପାଶ୍ଚାତ୍ୟ ମହିଳା ଭାବରେ ପ୍ରାୟତଃ ଅଭିନୟ କରିଛନ୍ତି । ୧୯୮୬ରେ ତାଙ୍କର ପ୍ରଥମ ସନ୍ତାନ ସୃତି ହାସନ ଜନ୍ମ ହୋଇଥିଲେ । ଏହା ପରେ ସେ ୧୯୮୮ରେ କମଲ ହାସନଙ୍କୁ ବିବାହ କରିବା ପରେ ଅଭିନୟ ଜଗତରୁ ବିଦାୟ ନେଇ ଚେନ୍ନାଇ ଚାଲିଯାଇଥିଲେ । ମାତ୍ର ପରେ ପରେ ସେମାନଙ୍କର ବିବାହ ବିଚ୍ଛେଦ ଘଟିବା ପରେ ସେ ପୁଣିଥରେ ଅଭିନୟ ଜଗତକୁ ଫେରିଥିଲେ । ଅଭିନୟକୁ ପ୍ରତ୍ୟବର୍ତ୍ତନ ପରେ ସାରିକା ଇସ୍ପିତା ରାୟ ଚକ୍ରବର୍ତ୍ତୀଙ୍କ ଲିଖିତ ସ୍କେୟାରଡ୍ ଇଭିଲ୍- ଏ ଟ୍ରୁ ଷ୍ଟୋରୀରେ ଇସ୍ପିତାଙ୍କ ଭୂମିକାରେ ନାୟିକା ଅଭିନୟ କରିଥିଲେ । ମାତ୍ର ଏହି ଚଳଚ୍ଚିତ୍ରଟି ସଫଳତା ପାଇ ନ ଥିଲା ।
୨୦୦୦ ମସିହାରେ ସାରିକା ହେ ରାମ୍ ଚଳଚ୍ଚିତ୍ର ପାଇଁ ଶ୍ରେଷ୍ଠ ପୋଷାକ ସଜ୍ଜା ପାଇଁ ଜାତୀୟ ପୁରସ୍କାର ପାଇଥିଲେ । ସାରିକାଙ୍କ ଅଭିନୀତ ଅନ୍ୟ ଏକ ଚଳଚ୍ଚିତ୍ର ଥିଲା ପାର୍ଜାନିଆ, ଯେଉଁଥିରେ ସେ ଜୋରୋସ୍ତ୍ରିଆନ ମହିଳା ଭୂମିକାରେ ଅଭିନୟ କରିଥିଲେ, ଯିଏକି ତା'ର ଛୋଟ ପିଲାଟିକୁ ଭାରତରେ ହଜେଇ ଦେଇଥିଲା । ଏହି ଚଳଚ୍ଚିତ୍ରରେ ସାରିକାଙ୍କର ଅଭିନୟ ପାଇଁ ସେ ଜାତୀୟ ସ୍ତରର ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିଲେ ।
ଜୁଲାଇ ୧୪ରେ ସୋନି ଟିଭିରେ ଆରମ୍ଭ ହୋଇଥିବା ଦୂରଦର୍ଶନ ଧାରାବାହିକ ଯୁଦ୍ଧରେ ସାରିକା ଅଭିନେତା ଅମିତାଭ ବଚ୍ଚନଙ୍କ ସହ ଦୂରଦର୍ଶନରେ ଅଭିନୟ ଆରମ୍ଭ କରିଥିଲେ ।
ବର୍ଷ | ଧାରାବାହିକ | ଚେନାଲ | ଭୂମିକା |
---|---|---|---|
୨୦୧୪ | ଯୁଦ୍ଧ | ସୋନୀ | ଗୌରୀ ସେଖର |
୨୦୧୫ | ଡର୍ ସବ୍କୋ ଲଗ୍ତା ହେ | & ଟିଭି | ମିସ୍ କୋନ୍ସିକା |
This article uses material from the Wikipedia ଓଡ଼ିଆ article ସାରିକା ଠାକୁର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.